Markaziy osiyo davlatlari iqtisodiy va ijtimoiy geografiyasi

Internet saytlari
16.www.ziyonet.uz
17. www.nuu.uz
18. www.connect.uz
19. www.gov.uz
20. www.stat.kz
21. www.stat.kg
22. www.stat.tj
23. www.stat.tm
24. uz.wikipedia.org


GLOSSARIY


Glossariy – tayanch tushunchalar
Mehnat taqsimoti – ijtimoiy mehnatning mustaqil vazifalarini bajaruvchi mehnat turlariga ajralish jarayonidan iborat. Mehnat taqsimoti yuz berganda bir mehnat turidan ikkinchisi, ikkinchisidan uchinchisi va hokazo ajralib chiqadi va shu jarayon uzluksiz davom etaveradi.
Markaziy Osiyo – Ushbu atama Qozog‘iston, Qirg‘iziston, Tojikiston, Turkmaniston va O‘zbekiston respublikalari uchun 1992 yilda 5 ta davlat prezidentlari tomonidan qabul qilingandan so‘ng qo‘llanilmoqda. Hozirda bu atama xalqaro tashkilotlar va jahon hamjamiyati tomonidan qabul qilingan. Ammo geografik nuqtai nazardan yondoshilganda Markaziy Osiyoga Afg‘oniston, Mo‘g‘uliston, Xitoyning Uyg‘ur – Sinszyan rayoni ham kiradi. Bundan tashqari “Keng ma’nodagi Markaziy Osiyo” atamasi ham mavjud bo‘lib, bu hududlardan tashqari Eron, Ozarbayjon, Turkiya, hatto Hindistonning ma’lum qismlari ham kiradi.
O‘rta Osiyo – Markaziy Osiyo atamasi geografik nuqtai nazardan Qozog‘iston, Qirg‘iziston, Tojikiston, Turkmaniston va O‘zbekiston respublikalari uchun mos kelmagani sababli mazkur hudud uchun O‘rta Osiyo atamasi qo‘llaniladi. Tabiiy geografik jihatdan bu o‘lkaga Qozog‘istonning shimoliy qismi kirmasada, iqtisodiy geografiyada davlat bir butun holda siyosiy chegaralar doirasida o‘rganiladi va Qozog‘iston shu o‘lka tarkibida o‘rganiladi.
Tabiiy resurs – kishilik jamiyati faoliyati uchun zarur bo‘lgan va xg‘jalikda bevosita foydalaniladigan tabiiy elementlar. Ularga tuproqlar, o‘simlik va hayvonot dunyosi, mineral xom ashyo, suv va boshqalar kiradi.
Tabiiy sharoit – ma’lum bir paytda ishlab chiqarish kuchlarining rivojlanishi g‘amda jamiyatning hayoti va xo‘jalik faoliyati uchun muhim bo‘lgan, ammo moddiy va nomoddiy ishlab chiqarishda bevosita qatnashmaydigan tabiat kuchlari, narsa va hodisalardir.