Марказий осиё давлатлари

Sanoati.
Tog’-kon sanoati rangli va kamyob metallarni qazib olish va boyitishdan iborat. 
Qo’rg’oshin-rux, volьfram, molibden va boshqa kon boyitish kombinatlari bor. Rangli va 
kamyob metall kontsentratlari yaqin xorijiy mamlakatlar kombinatlariga jo’natiladi. Alyuminiy 
sanoati Tojikiston iqtisodiyotida yangi soha bo’lib, 1975 yil Tursunzoda shahrida arzon Nurek 
GES elektr energiyasi va glinozyom (Qozog’istondan keltiriladigan alyuminiy tuprog’ i) asosida 
barpo etilgan. 
Elektroenergetika sanoati issiqlik va gidroelektrostantsiyalar tizimidan iborat. Markaziy 
Osiyodagi eng yirik Nurek, Rog’ un va boshqa GESlar barpo qilingan. Uning asosiy 
iste’molchilari Tojik alyuminiy zavodi va Yovan elektrokimyo kombinatlaridir. Yiliga 17 mlrd. 
kVt/s.dan ortiq elektr energiyasi hosil qilinadi.
Engil sanoat – paxta tozalash, ip-gazlama, shoyi gazlama, tikuvchilik, gilam to’qish kabi 
tarmoqlardan iborat. Oziq-ovqat sanoati asosan yog’ -moy, meva va sabzavot konservalari, 
quruq meva, vino, un-yorma, qandolatchilik, makaron va boshqa korxonalardan iborat bo’lib, 
mahalliy xom-ashyo asosida ishlaydi. Mashinasozlik va metallni qayta ishlash korxonalari, 
to’qimachilik stanoklari, qishloq xo’jaligi texnikasi, metall qirquvchi stanoklar, transformatorlar 
va boshqa mahsulotlar ishlab chiqaradi. Qurilish materiallari va qurilish industriyasi rivojlanib 
bormoqda. 
Transporti. 
Relьef sharoitiga ko’ra avtomobilь transporti iqtisodiyotda yetakchi o’rin 
tutadi. Avtomobilь yo’llarining uzunligi 29,9 ming km bo’lib, uning hissasiga mamlakat ichki 
yuk aylanmasining 90% to’g’ri keladi. Temir yo’llarining uzunligi 490 km. Asosiy temir yo’l 
liniyalari – Termiz-Dushanbe va Xo’jand-Qo’rg’ontepa-Yovan. Gaz quvurlari tortilgan. Havo 
transporti rivojlangan. Dushanbe va Xo’jand shaharlarida xalqaro aeroportlar barpo etilgan. Ichki 
va tashqi aloqalar yo’lga qo’yilgan.