Maqsad: Ta’limiy

Bola: Konstitutsiyaning 4-moddasida O`zbekiston Respublikasining davlat tili – O`zbek tilidir deyilgan.
Tarbiyachi: O`zbek tilimiz haqida qanday she’r bilasiz?
Bola: Ming yillarkim bulbul kalomi
O`zgarmaydi yaxlit hamisha.
Ammo sho`rlik to`tining holi
O`zgalarga taqlid hamisha.
Ona tilim, sen borsan, shaksiz
Bulbul kuyin se’rga solaman.
Sen yo`qolgan kuning, shubhasiz,
Men ham to`ti bo`lib qolaman.
Tarbiyachi: Barakalla, Konstitutsiyamizning 5-moddasida nima deyilgan.
Bola: Konstitutsiyamizning 5-moddasida O`zbekiston Respublikasi qonun bilan tasdiqlangan o`z davlat ramzlari (Davlat ramzlari AKT da ko`rsatiladi) – bayrog`i, gerbi va madhiyasiga ega deyilgan.
Tarbiyachi: Bayrog`imizni kim ta’riflab beradi?
Bola: (Ko`rgazma vositalaridan foydalanib) Bu O`zbekiston Respublikasinig bayrog`i. Bayrog`imizdagi moviy rang – yurtimiz osmonining musaffoligini, oq rang – tinchlik, poklikni, yashil rang tabiatning yangilanishini, qizil chiziqlar esa tomirlarda oqayotgan qonni anglatadi. Navqiron yarim oy – qo`lga kiritilgan mustaqilligimiz, 12 ta yulduz madaniyatimiz qadimiyligini anglatadi.
Tarbiyachi: Bayrog`imiz haqida kim she’r aytib beradi?
Bola: Hurlikni ulug`lab hilpirar mag`rur,
O`zbek iftixori – vatan bayrog`i.
Yashaydi millatlar do`st-inoq, masrur,
Sajdagoh makondir oltin tuprog`i.
O`yin: “Bayroqni yig`”
(Konvertlarda berilgan shakllardan barcha guruhlar O`zbekiston bayrog`ini yig`ishadi. Birinchi bo`lib yiqqan guruhga 3 ta rag`bat, 2-bolib yiqqan guruhga 2 ta rag`bat, 3- bo`lib yiqqan guruhga 1 ta rag`bat beriladi).

Tarbiyachi: Gerbimizni kim ta’riflab beradi?
Bola: (Ko`rgazma vositalaridan foydalanib) Bu O`zbekiston Respublikasining Gerbi. Gerbning yuqori qismida 8 qirrali yulduz joylashgan, uning ichidagi yarim oy va yulduz musulmonlarning qutlug` ramzidir. Gerbimizning markazida oliyjanoblik va fidoiylik ramzi bo`lgan Xumo qushi tasvirlangan. Quyosh – yurtimizning serquyoshligini bildirib turibti. Paxta – Vatanimizning milliy boyligi, boshoqlar esa rizq-nasiba, qut-baraka ramzidir.