Maqsad: Ta’limiy

(Katta va tayyorlov guruhlari uchun mujassam mashg`ulot ishlanmasi)
Maqsad:
Ta’limiy – Bolalarning Mustaqillik, davlat, uning ramzlari, Konstitusiya va qonunlar to`g`risidagi bilimlarini oshirish. Ilk tushunchalarni berish orqali qonun – qoidalarga roiya qilishga o`rgatishni davom ettirish.
Tarbiyaviy – Bolalarda hayotdagi ijobiy va salbiy holatlarga nisbatan sezgirlikni tarkib toptirish. Ularni tabiiy muhitni asrashga chaqirish. Yashil do`stlar, qushlar va hayvonlarni asrash, ularga g`amxo`rlik qilish hissini tarbiyalash. Jamoada ishlash, tengdoshlari fikri bilan hisoblashish fazilatlarini tarkib toptirish.
Rivojlantiruvchi – Bolalarning nutqini, ularning umumiy axloq ko`nikmalarini rivojlantirish.
Kutilayotgan natija – Bolalarning Mustaqillik, davlat, uning ramzlari, Konstitusiya va qonunlar to`g`risidagi bilimlari oshadi. Ilk tushunchalarni berish orqali qonun – qoidalarga roiya qilishga o`rgatiladi. Bolalarda hayotdagi ijobiy va salbiy holatlarga nisbatan sezgirlik tarkib topadi. Ular tabiiy muhitni asrashga o`rganadilar. Yashil do`stlar, qushlar va hayvonlarni asrash, ularga g`amxo`rlik qilish hissi tarbiyalanadi. Jamoada ishlash, tengdoshlari fikri bilan hisoblashish fazilatlari tarkib topadi. Bolalarda nutq, umumiy axloq ko`nikmalari rivojlanadi.
Kerakli jihozlar: Madhiya yozilgan disk, AKT, Davlat ramzlari, rangli iplar, “Bayroqni yig`” o`yini ucun kerakli jixozlar, “Xaritani yig`” o`yini uchun kerakli jixozlar, “Qizil kitob”ga kiritilgan hayvonlar, qushlar va sudralib yuruvchilarning rasmlari.
(Bolalar yarim aylana bo`lib turadilar. O`zbekiston Respublikasining madhiyasi yangraydi).
O`yin: “Rangli iplar”
(Tarbiyachi o`rtada turib qo`lidagi rangli iplardan istaganlarini olishlarini taklif qiladi. So`ngra xuddi shu rangli belgi qo`yilgan stol atrofiga o`tirishga taklif qiladi. Shu tariqa bolalar guruhlarga bo`linib olinadi).
Tarbiyachi: Bolajonlar, biz sizlar bilan Davlatimiz Mustaqilligi to`g`risida suhbatlashamiz. Bugungi mashg`ulotimizni bellashuv tarzida o`tkazamiz. Men sizlarga savol beraman. Har bir to`gri javob uchun esa bitta rag`bat beraman va hammamiz birgalikda mashg`ulot so`ngida rag`bat-o`yinchoqlarni sanab g`olib guruhni aniqlab olamiz.