Мақола ва тезислар номи

 
ЁШЛАР БАНДЛИГИНИ ТАЪМИНЛАШДА ТАДБИРКОРЛИКНИНГ АҲАМИЯТИ 
Аминов А.А. 
 ЎзМУ магистранти
 
Мамлакатимизда олиб борилаётган ижтимоий-иқтисодий ислоҳотлар аҳолининг самарали 
иш билан банд этиш, уларнинг моддий манфаатдорлигини ошириш учун муносиб шарт-шароит 
яратиб беришга қаратилган.Зеро, меҳнатга лаёқатли кишиларнинг иш билан бандлигини 
таъминлаш фуқаролар турмуш фаровонлигини ошириш, ҳаёт даражасини юксалтиришнинг 
муҳим омили ҳисобланади. Шундан келиб чиқиб, ҳар йили янги иш ўринлари ташкил этиш ва 
бандликни таъминлашга доир дастурлар қабул қилинмоқда, натижада ишсизлик даражаси йил 
сайин камайиб бормоқда. 
Жаҳон статистикаси маълумотларига кўра, дунё аҳолисининг 16 фоизи ёшлардан иборат 
бўлиб, бу кўрсаткич республикамизда 60 фоизни ташкил этади.
Ёшларни қўллаб-қувватлаш мақсадида 
2021 йил мамлакатимизда Ёшларни қўллаб-
қувватлаш ва аҳоли саломатлигини мустаҳкамлаш йили, деб номланиб, тегишли давлат дастури 
амалга оширилмоқда. 
Шунингдек, Президентимизнинг 2021йил 21 апрелдаги “Ёшлар саноат ва тадбиркорлик 
зоналари фаолиятини ташкил этиш ҳамда ёшларнинг тадбиркорликка оид ташаббусларини 
қўллаб-қувватлаш 
чора-тадбирлари 
тўғрисида”ги 
қарори 
ёшлар 
тадбиркорлигини 
ривожлантиришда муҳим аҳамият касб этди. 
Қарорда ҳудудларда ташкил этилган ёшлар саноат ва тадбиркорлик зоналари ёшларнинг 
саноат ва хизмат кўрсатиш йўналишидаги лойиҳаларини амалга оширишда кўмаклашиш ва 
қулай шарт-шароитлар яратиш, “стартаплар” ташкил этиш мақсадида бизнес-инкубатор 
вазифасини бажаришга масъул этиб белгиланди. Барчамизга маълумки, ё
шларни иш билан 
таъминлашда ва ҳаётда ўз ўринларини топиб кетишларида кичик бизнес ва тадбиркорлик 
соҳаси муҳим аҳамият касб этади. Кичик бизнес ва тадбиркорлик соҳаси кам сармоя талаб 
қиладиган, тез модернизация қилинадиган ва бозор конъюнктурасининг ўзгарувчан талабларига 
тезда мослаша оладиган, бозорни зарур товар ва хизматлар билан тўлдирадиган, иқтисодиётни 
таркибий негизини белгилаб берадиган энг муҳим тармоқ ҳисобланади. Шунингдек 
тадбиркорлик миллий иқтисодиётни тараққий эттиришга катта ҳисса қўшади (1-расмга қаранг) 

---

135