Mandell fleming modeli

16-MAVZU. OCHIQ IQTISODIYOTDA MAKROIQTISODIY SIYOSAT.

MANDELL FLEMING MODELI

(2 soat)
Reja:
16.1. Ochiq iqtisodiyotda muvozanatli ishlab chiqarish hajmi. Ichki xarajatlar va savdo balansi.
16.2. Mandell Flemingning ochiq iqtisodiyot modeli.
16.3. Qayd qilingan valuta kursi va kapitalning yuqori mobilligi sharoitida pul-kredit va fiskal siyosat.
16.4. Erkin suzib yuruvchi valuta kursi sharoitida makroiqtisodiy siyosat.
Tayanch so’z va iboralar: Valyuta munosabatlari, qayd etilgan valyuta kursi, erkin suzib yuruvchi valyuta kurslari, yopiq iqtisodiyot, xarid qobilyati pariteti


16.1. Ochiq iqtisodiyotda muvozanatli ishlab chiqarish hajmi. Ichki xarajatlar va savdo balansi.
Bundan oldingi mavzularda ko`rdikki, dunyoning hech bir mamlakati tashqi iqtisodiy aloqalar va munosabatlardan uzilgan holatda emas. Shu sababli to`liq makroiqtisodiy model o`zida ham ichki, ham tashqi bozorlarda amalga oshirilayotgan operatsiyalarni majassam etishi lozim.
To`liq makroiqtisodiy model-ochiq iqtisodiyot modelidir.
Ochiq iqtisodiyot- shunday iqtisodiyotki, u:

1. 
   mamlakat ishlab chiqarayotgan tovarlari va xizmatlarining ma‘lum bir
   

qismini eksport va import qilishini;

2. 
   mamlakat jahon moliya bozorlarida kredit olishi va kredit berishini anglatadi.
   

Agar yopiq iqtisodiyot sharoitida barcha ishlab chiqarilgan tovarlar va xizmatlar ushbu mamlakat ichkarisida sotilsa va barcha xarajatlar uch qismga: iste‘mol, investitsiya va davlat xarajatlariga bo`linsa, ochiq iqtisodiyotda ishlab chiqarilgan mahsulotning sezilarli qismi chet elga eksport qilinadi. Bunda ishlab chiqarilgan mahsulotlarga xarajatlarga to`rtinchi unsur sifatida mamlakatda ishlab chiqarilgan tovarlar va xizmatlarning eksporti (chet elliklarning mamlakatimizda ishlab chiqarilgan tovarlar va xizmatlarni sotib olishga qilgan xarajatlari) ham kiritiladi.
Kichik ochiq iqtisodiyot va katta ochiq iqtisodiyot o`zaro farqlanadi.