Маънавий-маърифий ишларда ўҚувчи-ёшлар шахсини ахлоқий тарбиялаш

Muammoning o‘rganilganlik darajasi. Mustaqillik yillarida ushbu muammoga bag‘ishlangan bir qator ishlar amalga oshirilgan bo‘lib, jumladan: faylasuf va sotsiolog olimlardan N.Komilov, Q.Nazarov, J.Tulenov, E.Yusupov, Z.Fafurov va boshqalar inson kamolotining ma’naviy asoslari, milliy g‘oya va mafkura, milliy va umuminsoniy qadriyatlar, milliy mentalitet, millat sha’ni, axloq, mustaqillik va ma’naviyat kabi masalalarni atroflicha tadqiq etganlar.
«Boshlang‘ich ta’lim konsepsiyasi»da (mualliflar Q.Abdullaeva, R.Safarova va b.) ta’lim jarayonini tashkil etish, uning samaradorligini oshirish va bu jarayonni rivojlantirishga qaratilgan qarashlar, pedagogik nazariya hamda bilimlar, ilmiy farazlar fondi sifatida boshlang‘ich sinflarda ma’naviy-ma’rifiy ishlarni tashkil etishning hal etilishi lozim bo‘lgan jihatlari mavjudligini ta’kidlaydi. Shaxs ma’naviyatini shakllantirishning falsafiy jihatlari xususidagi M.Imomnazarov, T.Mahmudov, I.Karimov, E.Yusupov, Q.Nazarov, Z.G‘afurov kabilarning ishlari mazkur muammoni ilmiy pedagogik jihatdan o‘rganishda muhim manba bo‘lib xizmat qildi.
Kurs ishning maqsadi: o‘quvchi yoshlarni faoliyatda tarbiya metodlari hamda ulardan amaliyotda foydalanish yo‘llari tarbiyaning o‘rni va ahamiyati hamda ma’naviy-ma’rifiy ishlar jarayonida o‘quvchi-yoshlar shaxsini axloqiy tarbiyalash imkoniyatlari va yo‘llari xususida fikr yuritish
Kurs ishning vazifalari:
- o‘quvchi-yoshlarni faoliyatda tarbiya metodlari hamda ulardan amaliyotda foydalanish yo‘llari olimlarning nazariy fikrlari asosida ochib berish;
- o‘quvchilarni ma’naviy-axloqiy tarbiyalash sohasidagi tarixiy tajribalarni to‘plash va o‘rganish;
- o‘quvchi-yoshlarni axloqiy tarbiyalashda ma’naviy-ma’rifiy tadbirlardan foydalanishning o‘ziga xos xususiyatlarini ochib berish;
- sinfdan tashqari ma’naviy-ma’rifiy ishlar jarayonida milliy-ma’naviy qadriyatlardan yoshlarni axloqiy tarbiyalashda foydalanish shakl va metodlari hamda ma’naviy-ma’rifiy ishlarni tashkil etishda maktab va oila hamkorligi tizimini yaratish zarurligi misollar asosida yoritish.