Ma’muriy huquq moduli doriasida tayyorlangan oraliq nazorat kazuslari 1-kazus

Ma’muriy huquq moduli doriasida tayyorlangan oraliq nazorat kazuslari
1-kazus
Arizachi Mastanov J Qibray tumani, Zebuniso ko’chasi, 16- uyda oila a’zolari bilan birgalikda doimiy ro’yhatdan turib yashab kelishligini, Qibray tuman hokimining 11.09.2007-yildagi №2152-sonli qaroriga ko’ra, unga Qibray shaharcha fuqarolar yig’ini markazi hududidan “To’y va marosimlar o’tkaziladigan majmua qurilishi” uchun 0,45 ga qishloq ho’jaligida foydalanilmaydigan yer maydoni ajratib berilganligini hamda To’y va marosimlar o’tkaziladigan majmua qurilishiga viloyat arxitektura va qurilish bosh boshqarmasidan memorchilik rejalashtirish topshirig’i olinishi kerakligi ko’rsatib o’tilganligini, u og’ir xastalikka duchor bo’lib, bir necha yillar davomida shifoxonalarda statsionar tartibda ѐtib davolangani sababli va moddiy tomondan qiynalib qolgani uchun ancha vaqt mobaynida mazkur unga ajratib berilgan yer maydonida qurilish ishlarini amalga oshira olmay qolganligini, bugungi kunda u o’ziga ajratilgan yer maydonida qurilish ishlarini olib bormoqchi bo’lganida Qibray tuman hokimining 20.09.2017-yil №2728-sonli qarori bilan unga ajratilgan Qibray shaharcha fuqarolar yig’ini markazi hududidan “To’y va marosimlar o’tkaziladigan majmua qurilishi” uchun 0,45 ga yer maydoni ajratish to’g’risidagi 11.09.2007-yildagi №2152-sonli hokim qarori bekor qilinib, Qibray tuman davlat zaxirasiga qaytarilgani ma’lum bo’lganligini, Qibray tuman hokimligi unga ajratilgan yer maydonini davlat zaxirasiga qaytarib olish to’g’risida qaror qabul qilishda qonun talablariga zid ravishda, ya’ni uni ogohlantirmasdan, Hujjat imzolanganligini ta'kidladi.
Vaziyatga huquqiy baxo bering. Ma’muriy tartib taomillar to`g`risidagi qonun talablaridan kelib chiqib huquqiy yechim bering


2-kazus
Yunusov Olimdjon Byudjetdan tashqari Pensiya jamg’armasi Samarqand shahar bo’limi ustidan yuqori turuvchi organga ariza bilan shikoyat qilib U 1958-yil 10-yanvarda tug`ilganligini va 2000-yil 14 iyuldan 2006-yil 23-dekabriga qadar Samarqand shahridagi «SU-855» mas’uliyati cheklangan jamiyatida ishlaganligini, bu haqida mehnat daftarchasiga tegishli yozuvlar kiritilganligini, 2018-yil 08-iyul kuni 60 yoshga to’lganligini, qonun bo’yicha yoshga doir pensiyaga chiqish huquqiga ega bo’lganligini, Samarqand viloyat davlat arxivi tomonidan berilgan ma’lumotga ko’ra ushbu tashkilot hujjatlarni saqlovga topshirmaganligi ko’rsatilganligini, shuningdek haqiqatdan ham u shu davrlar mobaynida ushbu tashkilotda ishlab kelganligini u bilan birga ishlagan guvohlar va ularni mehnat daftarchalariga kiritilgan yozuvlar bilan tasdiqlanishini, yoshi pensiya olishga yetganida u Byudjetdan tashqari Pensiya jamg’armasi Samarqand shahar bo’limiga ariza bilan murojaat qilganligini, bo’lim tomonidan u taqdim qilgan hujjatlar o’rganilib, mehnat staji 35 yil 4 oy hisoblangan holda 2012-yil 07-iyuldan yoshga doir pensiya tayinlanganligini, biroq uning 14.07.2000-yildan 23.12.2006-yilgacha bo’lgan davr mobaynida ishlaganligi asossiz ravishda ish stajiga qo`shilmaganlini ta’kidlagan. Yuqori turuvchi organ shikoyat qilish muddati o`tganligi va
14.07.2000-yildan 23.12.2006-yilgacha bo’lgan davr mobaynida ishlaganligi to’g’risida hujjatlar yetarli emasligi sabab arizani qanoatlatirmadi.
Vaziyatga huquqiy baxo bering. Ma’muriy tartib taomillar to`g`risidagi qonun prinsiplaridan foydalangan holda shikoyat qilish muddatini yoritib bering. Ma’muriy organ hatti-harakatlari asoslimi.