Ma’mur qahhorov

Umuminsoniy va milliy qadriyatlar
nisbati masalasi uta muhim 
ijtimoiy – falsafiy va siyosiy masala, negaki bugungi kunda jahonda 
ko‘pmillatli bo‘lmagan birorta mamlakat yo‘q. Milliy hamda 
umuminsoniy qadriyatlar nisbatini aniqlash ertami-kechmi jamiyat 
oldida muqarrar paydo bo‘ladi. 
Umuminsoniy
deb barcha xalqlar, millatlar, bashariyat uchun 
mushtarak qadriyatlarga aytiladi. Masalan, tinchlik, demokratiya, 
ijtimoiy adolat, ma’naviyat, ezgulik, insonparvarlik, xuquqiy davlat, 
qonun ustuvorligi – bular irqi, dini, millati, ijtimoiy kelib chiqishi, e’tiqodi 
qandayligidan qat’iy nazar, inson zoti uchun bir xilda ahamiyatli, 
ya’ni umuminsoniy mohiyatga ega qadriyatlardir. «Umuminsoniy» 
degan so‘z bu qadriyatlar bir qadar mavxumligini ham anglatadi, 
negaki «umuman insoniyat», xuddi «umuman odam» kabi sof 
abstraktsiyadir, amalda insoniyat hamisha muayyan millat va elatlar 
yig‘indisidan iborat. Binobarin, umuminsoniy qadriyatlar – bu millat va 
elatlardan ayri, alohida olamda yashovchi qadriyatlar emas, 
ularning mazmuni umuminsoniy, umumiy, amalda bu mazmun 
hamma vaqt ma’lum shaklu – shamoyilga, qobiqqa, ya’ni milliylikka 
o‘ralgan bo‘ladi.