Mamlakatimizda yer maydonlaridan samarali foydalanishdagi qator

10-modda. Kooperativning faoliyatini to‘xtatish va uni qaytadan tashkil etish
1. Kooperativni tugatish yoki qaytadan tashkil etish (qo‘shib yuborish, birlashtirish, ajratish, alohida qilib chiqarish, o‘zgartirish) uning mol-mulkining egasining yoki kooperativ qaysi korxona (xo‘jalik uyushmasi) huzurida tashkil etilgan bo‘lsa, o‘sha korxonaning qaroriga muvofiq yohud sud yo bo‘lmasa hakamlikning qaroriga muvofiq amalga oshiriladi.
Keyingi tahrirga qarang.
2. Kooperativning faoliyati quyidagi hollarda ham to‘xtatilishi mumkin:
agar kooperativ ro‘yxatga olingan paytdan boshlab bir yil davomida ishlab chiqarish-xo‘jalik faoliyatiga kirishmagan bo‘lsa yoki amalda to‘xtatib qo‘yilgan faoliyatini daromadlar to‘g‘risidagi oxirgi deklaratsiyani topshirganidan keyin bir yil o‘tgach qaytadan boshlamasa;
kooperativ uzoq vaqt mobaynida (olti oydan ko‘proq) to‘lovga qobiliyatsiz bo‘lsa;
O‘zbekiston Respublikasi qonunlarida ko‘zda tutilgan boshqa hollarda.
Keyingi tahrirga qarang.
3. Kooperativ davlat tomonidan ro‘yxatga olish reyestridan chiqarilgan paytdan boshlab qayta tashkil etilgan yoki tugatilgan deb hisoblanadi.
Keyingi tahrirga qarang.
Keyingi tahrirga qarang.
4. Kooperativ tugatilgan taqdirda qarz beruvchilar va mehnat jamoasi a’zolarining da’volari qondirilganidan keyin qolgan mol-mulk kooperativ a’zolari o‘rtasida uning ustavida ko‘zda tutilgan tartibda taqsimlanadi.
Matlubot jamiyatlari ittifoqlari ularning oliy organlari (syezd, konferensiya, vakillar yig‘ilishi) qaroriga muvofiq tugatiladi.
Keyingi tahrirga qarang.
11-modda. Matlubot kooperatsiyasining asosiy vazifalari
1. Matlubot kooperatsiyasining asosiy vazifalari:
qishloq posyolkalar va shaharlarda chakana savdo hamda umumiy ovqatlanish korxonalari tarmog‘ini vujudga keltirish va rivojlantirish, o‘z a’zolari — paychilar hamda xizmat ko‘rsatilayotgan aholiga o‘zi ishlab chiqargan va korxonalar, tashkilotlar hamda fuqarolardan sotib olingan oziq-ovqat mahsulotlari va nooziq-ovqat mollarini sotish;
Keyingi tahrirga qarang.
aholi va korxonalardan qishloq xo‘jalik mahsulotlari hamda xomashyo, yordamchi xo‘jalik mahsulotlari va hunarmandchilik buyumlari, keyinchalik qayta ishlash va sotish uchun yovvoyi o‘simliklar, mevalar hamda dori-darmon-texnikaviy ashyoni O‘zbekiston Respublikasi qonunlariga muvofiq xarid qilish;
Keyingi tahrirga qarang.
sotib olinayotgan qishloq xo‘jaligi xomashyosi va boshqa mahalliy xomashyodan, shuningdek ulgurji savdo tarkibida xarid qiladigan resurslar, xomashyo va materiallardan oziq-ovqat mahsulotlari va nooziq-ovqat mollari ishlab chiqarishni tashkil etish;
aholiga ishlab chiqarishga va maishiy turmushga doir turli xizmatlar ko‘rsatishdan iboratdir.
2. Matlubot kooperativlari (jamiyatlari) ishlab chiqarish vositalari va xalq iste’moli mollari xarid qilishni va sotishni tashkil etish orqali fuqarolarning qishloq xo‘jalik mahsulotlari xomashyosini yetishtiruvchi va qayta ishlovchi yordamchi xo‘jaliklarini, shuningdek hunarmandchilikni rivojlantirishni rag‘batlantiradilar.