Mamlakatimizda yer maydonlaridan samarali foydalanishdagi qator

1-modda. Kooperatsiya va uning turlari
1. O‘zbekiston Respublikasida kooperatsiya fuqarolar va yuridik shaxslarning iqtisodiy hamda ijtimoiy faoliyatining turli sohalarida umumiy maqsadlarga erishish uchun tashkiliy jihatdan rasmiylashtirilgan, mulkchilikning jamoa shakliga asoslangan ixtiyoriy birlashmalari (kooperativlari) majmuidan iboratdir.
Keyingi tahrirga qarang.
2. O‘zbekiston Respublikasida kooperatsiyasi sistemasida foyda olish maqsadida aholining mahsulotlar, ishlar va xizmatlarga bo‘lgan ijtimoiy ehtiyojlarini qondirish uchun tuziladigan matlubot, ishlab chiqarish va aralash ishlab chiqarish — matlubot kooperativlari amal qiladi.
Keyingi tahrirga qarang.
Kooperatsiya, shuningdek o‘z a’zolarining uy-joy-maishiy va boshqa ijtimoiy ehtiyojlarini qondirishga xizmat qiladigan kooperativlarni,(uy-joy-qurish uy joy kooperativlarini, garaj qurish, chorbog‘ qurish va shu kabi kooperativlarni) ham o‘z ichiga oladi.
2-modda. Kooperatsiya to‘g‘risida qonunlar
Barcha turdagi kooperativlar va ularning xo‘jalik uyushmalarini tuzishning, ro‘yxatga olishning, ular faoliyatining, ularni qayta tuzish va tugatishning umumiy huquqiy, iqtisodiy va ijtimoiy asoslari “O‘zbekiston Respublikasida korxonalar to‘g‘risida”gi va “O‘zbekiston Respublikasida tadbirkorlik to‘g‘risida”gi O‘zbekiston Respublikasi Qonunlari, ushbu Qonun, O‘zbekiston Respublikasining boshqa qonun hujjatlari bilan, Qoraqalpog‘iston SSRda esa Qoraqalpog‘iston MSSR qonunlari bilan tartibga solinadi.
Keyingi tahrirga qarang.
Keyingi tahrirga qarang.
3-modda. Kooperativ — O‘zbekiston Respublikasidagi kooperatsiyaning birlamchi bo‘g‘ini
1. Yuridik shaxs huquqiga ega bo‘lgan, jamoa mulki huquqi asosida o‘ziga qarashli mulkka egalik qiladigan, undan foydalanadigan va uni tasarruf etadigan mustaqil xo‘jalik yurituvchi subyekt kooperativ hisoblanadi.
Ishlab chiqarish va ishlab chiqarish-matlubot kooperativlarining faoliyati, o‘z a’zolarining, shuningdek mehnat shartnomalari (kontraktlar, bitimlar) bo‘yicha ishlayotgan kishilarning o‘z mehnatlari bilan shaxsan ishtirok etishiga asoslanadi
Matlubot kooperativlari hamda o‘z a’zolarining uy-joy-maishiy va boshqa ijtimoiy ehtiyojlarini qondirishga xizmat qiladigan kooperativlar faoliyati o‘z mehnati bilan shaxsan ishtirok etish bilan bo‘lmasligi ham mumkin.
2. Kooperativlar tarmoq prinsipi, hududiy va boshqa belgilar bo‘yicha xo‘jalik uyushmalariga qat’iy ixtiyoriylik asosida birlashmalari va yakkahokimlikka qarshi qonunlarning talablarini hisobga olgan holda ish olib borishlari mumkin.
3. Kooperativ, O‘zbekiston Respublikasi qonunlarida taqiqlanganlaridan tashqari, faoliyatning har qanday turi bilan shug‘ullanishga haqlidir. Bunda kooperativlar va ularning xo‘jalik uyushmalari (shu jumladan barcha turdagi aralash davlat-kooperativ uyushmalari) davlat boshqaruvi, kontroli va nazorati, shuningdek surishtiruv, tergov va odil sudlov idoralarining vazifalarini bajarishlariga yo‘l qo‘yilmaydi.
Kooperativlar, kooperativlarning xo‘jalik uyushmalari O‘zbekiston Respublikasining, SSR Ittifoqining amaldagi qonunlariga va O‘zbekiston Respublikasi ishtirok etayotgan xalqaro shartnomalarga muvofiq respublika, Ittifoq bozorlarida va xalqaro bozorlarda xo‘jalik faoliyatini erkin yuritish huquqiga egadirlar.
Keyingi tahrirga qarang.