Мамлакатимизда ижро этувчи ҳокимият органлари ташкил этилишининг тарихий-ҳуқуқий жиҳатлари

¹Чарыяров У. Совет Министров Узбекской ССР. -Ташкент: Фан, 1983. -С. 13.
24

йилда янгидан шакллантирилган¹. Бу эса, унинг ваколат муддати 4 йил эканлигидан далолат беради.

Ўзбекистон Совет Социалистик Республикаси Марказий Ижроия Қўмитаси -Ўзбекистон ССРда умумий бошқарувни амалга оширувчи, ижро этувчи ва бошчилик қилувчи орган - Ўзбекистон ССР Халқ Комиссарлари Кенгашини ва алоҳида тармоқларни бошқариш учун халқ
комиссариятларини ташкил этади ².
Ўша даврда ҳукумат сифатида янги ташкил этилган Халқ Комиссарлари Кенгашининг ички тузилиши ва иш тартиби айрим белгиларига кўра ижро ҳокимиятининг юқори органи бўлган.
Э.Ҳ.Халиловнинг таъкидлашича, 1927 йилги Конституцияга биноан Ўзбекистон ССР Советларининг съездлари, Марказий Ижроия Қўмитаси, Марказий Ижроия Қўмитаси Раёсати ва Халқ Комиссарлари Кенгаши Ўзбекистон ССРнинг қонун чиқарувчи органлари эди³.
Айтиш жоизки, Халқ Комиссарлари Кенгашига Раис бошчилик қилган ва унинг ўринбосарлари мавжуд бўлган. Ушбу ҳолатни бугунги кундаги мавжуд Вазирлар Маҳкамаси билан қиёсий ўрганиш мумкин. Бироқ Конституцияда “раис ўринбосари” лавозими белгиланган, уларнинг миқдори ва асосий фаолият йўналишлари аниқ белгиланмаган. Юқорида санаб ўтилган Халқ Комиссарлари Кенгаши аъзолари фаолият йўналишидан келиб чиқиб, у фақатгина мамлакатнинг ички сиёсатини амалга оширган дейиш мумкин. Яъни, хавфсизлик, мудофаа ташқи ишлар масаласида халқ комиссарлари белгиланмаган. Ҳар бир халқ комиссарлиги бошлиғи Ўзбекистон ССР Халқ Комиссарлари Кенгаши аъзоси - халқ комиссари ҳисобланган. Ҳар бир комиссар ҳузурида, унинг раислигида коллегия ташкил этилган бўлиб, унинг аъзолари Ўзбекистон ССР Халқ Комиссарлари Кенгаши томонидан тайинланган ва лавозимидан озод этилган.


¹Чарыяров У. Совет Министров Узбекской ССР. -Ташкент: Фан, 1983. -С. 19.