Mamasoli jumaboyev

Darsni  mustahkamlash  uchun  savollar
1.  Ergash Raimov  hayoti  va  ijodi  haqida  nimalarni  bilasiz?
2.  Shoir  she’rlarida  odob,  yaxshi  o‘qish,  mehnat  haqidagi
mavzu  qanday  aks  etgan?
3.  Ergash Raimovning  dramaturg  sifatida  yaratgan  asarlari
qanday  tarbiyaviy  ahamiyatga  ega?

---

236
Hozirgi  zamon  o‘zbek  bolalar  adabiyotida  Òo‘lan  Nizom
o‘ziga  xos  o‘rinda  turadi.  Uning  o‘qish,  odob  va  mehnatga
bag‘ishlangan  serjilo  she’rlari,  bolalarning  quvonchlariga  qu-
vonch  ulashadigan  qo‘shiqlari,  dillarni  rom  etuvchi  ajoyib-
g‘aroyib  ertak-dostonlari  uzoq  yillardan  beri  yosh  kitobxonni
maftun  etib  kelmoqda.
Òo‘lan  Nizomning  ijodini  qamragan  mavzu  cho‘l-biyo-
bonlarni  bog‘-rog‘larga  aylantirishga  qaratilgan.  Bolalarning
cho‘lquvar  shoiri,  deb  nom  chiqargan  Òo‘lan  Nizom  1938-
yilda  Andijon  viloyatining  Bo‘z  tumanida  cho‘lquvar  oilasida
tavallud  topdi.
Òo‘lan  Nizomning  otasi  bo‘lajak  shoirga  mehnatni  sevish-
ni,  mehnat  ahlini  e’zozlashni  doim  qulog‘iga  quyib:  „O‘g‘lim,
mehnatdan  hech  qachon  qochma,  yaxshi  inson,  o‘qimishli
odam  bo‘laman  desang,  ketmon  chop,  cho‘lni  o‘zlashtiruv-
chilar  safida  bo‘l,  yaxshi  o‘qi.  Jismoniy  mehnat  bilan  o‘qishni
omuxta  qilib  olib  borsang  kam  bo‘lmaysan.  Òengdoshlaringni
ham  mehnat  qilishga  chorla,  mehnatga  havas  qil.  Axir  hech
bir  ishni  havas  qilmaydigan,  hech  narsaga  qiziqmaydigan,
mehnatga  befarq  qaraydigan  birorta  ham  kishi  qolmasligi  kerak.
Har  kim  ham  olim,  yozuvchi,  artist  bo‘lib  yetisha  olmaydi,
har  bir  kishi  ham  yangilik  kashf  eta  olmaydi,  lekin  har  bir
kishi  o‘z  sohasida,  o‘z  ishida  xuddi  shoirdek,  xuddi  rassom-
dek  ter  to‘kib  mehnat  qilishi  kerak — bu  shaxsning  har  to-
monlama  kamol  topishida  g‘oyat  muhim  ahamiyat  kasb  etadi.
Hech  kimning  qo‘l  uchida,  shunchaki,  apil-tapil  ishlashiga
yo‘l  qo‘yib  bo‘lmaydi.  O‘zi  yaxshi  ko‘rgan  ishi  bilan  shug‘ul-
lanmaydigan  kishini  hech  qanday  madaniy  boyliklar,  xazina-
lar  bilan  shod  etib  bo‘lmaydi“,  deya  nasihat  qilar  edi.