“Маълумотлар тузилмаси ва алгоритмлар” фанига кириш

Объектга йўналтирилган ёндошув

Объектга йўналтирилган таҳлил (ОЙТ, object-oriented analysis) объектга йўналтирилган дунёқараш асосида реал борлиқни моделларини яратишга йўналтирилган.

Объектга йўналтирилган таҳлил (ОЙТ, object-oriented analysis) объектга йўналтирилган дунёқараш асосида реал борлиқни моделларини яратишга йўналтирилган.

Объектга йўналтирилган таҳлил – бу шундай методологияки (услубият), унда тизимга талаблар предмет соҳасида аниқланган синфлар ва объектлар нуқтаи назаридан қабул қилинади.

ОЙТ, ОЙЛ ва ОЙД лар орасидаги боғлиқлик нимадан иборат? ОЙТ натижасида моделлар шаклланади, ОЙЛ шуларга асосланади. ОЙЛ эса ўз навбатида ОЙД услубиятидан фойдаланган ҳолда тизимни якунловчи жорий қилишга фундамент яратади.

Объектга йўналтирилган таҳлил
Объектга йўналтирилган лойиҳалаш
Дастурлаш биринчи навбатда танланган тайин бир дастурлаш тили механизмларидан тўғри ва самарали фойдаланишни назарда тутади. Лойиҳалашда эса, аксинча, асосий эътибор мураккаб тизимлар тузилмасини тўғри ва самарали ишлаб чиқишга қаратилади. Объектга йўналтирилган лойиҳалашни қуйидагича таърифлаш мумкин:
Объектга йўналтирилган лойиҳалаш – бу лойиҳалаш методологияси (услубияти) бўлиб, у ўз ичига қуйидагиларни қамраб олади:

• лойиҳалаштирилаётган тизимни объектли декомпозиция қилиш жараёнини;
• лойиҳалаштирилаётган тизимни мантиқий (синфлар ва объектлар) ва физик (модуллар ва жараёнлар), хамда статик ва динамик моделларини ифодалаш усул (йўл)ларини.

Айнан, объектли (яъни, объектга йўналтирилган) декомпозиция объектга йўналтирилган лойиҳалашни тузилмавий лойиҳалашдан фарқини кўрсатиб беради: биринчи ҳолатда тизимнинг мантиқий тузилмаси синф ва объектлар кўринишида намоён бўлса, иккинчи ҳолатда алгоритмлар кўринишида ифодаланади.

Мисол. Фараз қилайлик, дастурда мамлакатлар билан ишлаш лозим бўлсин. Мамлакат бу абстракт тушунча. Уни номи, аҳолиси, майдони, байроғи ва бошқа шу каби характеристикалари бўлиши мумкин. Бундай мамлакатни таснифлаш учун характеристикаларга мос майдонларга эга синф яратилади.