Malakaviy amaliyotning maqsadi va uning o`quv jarayonidagi o`rni. Malakaviy amaliyotni o`tishdan maqsad

TALABALARNING TANISHUV AMALIYOT

HISOBOTINI BAHOLASH MEZONI

Oʼzbekiston Respublikasi Prezidentining 2018 yil 5 iyundagi PQ-3775-son “Oliy taʼlim muassasalarida taʼlim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini taʼminlash boʼyicha qoʼshimcha chora-tadbirlar toʼgʼrisida”gi qaroriga muvofiq hamda Oʼzbekiston Respublikasi Oliy va oʼrta maxsus taʼlim vazirining 2018 yil 9 avgustdagi 19-2018-son buyrugʼiga asosan oliy taʼlim muassasalarida talabalar bilimini nazorat qilish va baholash tizimi quyidagicha belgilangan.

Talabalarning tanishuv amaliyotini baholash mazkur Nizomda belgilangan baholash mezonlari asosida qoʼllaniladi.

Talabalar bilimini baholash mezoni asosida:

5 baho (a’lo)
Tanishuv amaliyotini to’liq o’tagan, hisoboti sifatli bajarilgan, amaliyot o’tgan tashkilot rahbaridan ijobiy baho olgan, hisobotni vaqtida topshirgan, hisobot hajmi va mazmuni amaliyot o’tashdagi o’rnatilgan talablarga mos, dastur savollari bo’yicha chuqur bilimga ega ekanligini ko’rsatish, baholash ishlarida shaxsan qatnashgan va ularni bajarish texnologiyasini o’zlashtirgan. Shaxsiy topshiriqni to’liq bajargan.


4 baho (yaxshi)
Tanishuv amaliyotini to’liq o’tagan, hisobotni bajargan. Tashkilot rahbaridan baho olgan. Dastur savollarini yoritishda ba’zi bir noaniqliklarga yo’l qo’ygan. Unga yuklatilgan ishlarni bajarishda shaxsan qatnashgan va ularni bajarish texnologiyasini o’zlashtirgan. Shaxsiy topshiriqni bajargan.


3 baho (qoniqarli)
Tanishuv amaliyoti hisobotini bajargan. Tashkilot rahbaridan baho olgan. Hisobotni vaqtida topshirmagan. Dastur savollarini o’zlashtirmagan. Shaxsiy topshiriqni to’liq bajarmagan.


2 baho (qoniqarsiz)
Tanishuv amaliyoti hisobotini to’liq bajarmagan va o’z vaqtida taqdim etmagan. Tashkilot rahbaridan baho olmagan. Topshiriqlarni o’zlashtirmagan. Hisobot hajmi va mazmuni qo’yilgan talablarga muvofiq emas, shu bilan birga amaliyot shaxsiy topshirig’ini bajarmagan.

Nazorat turlarini oʼtkazish boʼyicha tuzilgan topshiriqlarning mazmuni talabaning oʼzlashtirishini xolis (obʼektiv) va aniq baholash imkoniyatini berishi shart.

Talaba uzrli sabablarsiz amaliyotga qatnashmagan, shuningdek, tanishuv amaliyoti yakunlari boʼyicha “2” (qoniqarsiz) baho bilan baholangan hollarda, u akademik qarzdor hisoblanadi va kursdan qoldiriladi.