Малакавий амалиёт

II. МАЛАКАВИЙ (ИШЛАБ ЧИҚАРИШ) АМАЛИЁТИНИНГ МАЗМУНИ.

Амалиёт мобайнида талаба қуйидагилар билан танишиши керак:

1. 
   Корхона, ташкилот, муассаса тўғрисида умумий маълумотлар: номи, ташкил қилинган йили, жойлашиши;
   
2. 
   Корхона, ташкилот, муассасанинг ишлаб чиқариш (хизмат кўрсатиш) йўналишлари, ташкилий тузилиши ва бошқариш тартиби;
   
3. 
   Корхона, ташкилот, муассаса фаолиятини белгиловчи қонун ва меъёрий ҳужжатларнинг қўлланилиш хусусиятлари билан танишиш.
   
4. 
   Корхонанинг бизнес-режаси, молия – иқтисод ишлари билан шуьулланувчи бўлинма фаолияти, вазифалари билан танишиш;
   
5. 
   Ташкилот ёки муассасанинг тузилиши хусусида маълумотга эга бўлиш;
   

6. Ташкилот ёки муассасанинг ташкилий, ўқув, илмий ишлари режасини таҳлил қилиш;
7. Оралиқ ва йиллик ҳисоботларининг мазмуни, қайта ишлаш тартиби, дастури билан танишиш ва ўрганиш;
8. Ташкилот ёки муассасага қарашли бўлимлар фаолияти тўғрисида тасаввурга эга бўлиш.
Малакавий амалиёт давомида талаба қуйидагиларни чуқур ва мукаммал ўрганиши зарур:

1. 
   Корхона, ташкилот, муассасанинг молиялаштирилиш шароити ва ўз-ўзини молиялаши;
   
2. 
   Охирги уч-беш йиллик маълумотлар таҳлили асосида корхона, ташкилот, муассаса иқтисодий фаолиятини аниқлаш ва тахлил қилиш:
   
   • 
     Корхона, ташкилот, муассаса ялпи ва соф даромади динамикаси, ўсиш суръатлари ва таркибини.
     
   • 
     Маҳсулот ишлаб чиқариш (хизматлар кўрсатиш) ва шартномавий мажбуриятларнинг бажарилишини.
     
   • 
     Корхона, ташкилот, муассасанинг ишлаб чиқариш (хизмат кўрсатиш) потенциали ва уни ҳисоблаш усули, мулк ва пай жамғармасини.
     
   • 
     Корхона, ташкилот, муассасада солиқлар тўланилиши ва ҳисобланишини.
     
   • 
     Корхона, ташкилот, муассасанинг энергетик ресурслари ва фондлар билан таъминланганлик даражаси ва улардан фойдаланиш самарадорлиги, янгиланиш коэффициентини аниқлаш, инновация жараёнини тахлил этиш.
     
   • 
     Корхона (ташкилот)нинг модернизация ва диверсификация имкониятларини.
     
   • 
     Корхона, ташкилот, муассасанинг моддий ва меҳнат ресурслари билан таъминланганлик ва улардан фойдаланиш самарадорлиги даражасини.
     
   • 
     Меҳнат ресурсларининг малакаси, уларнинг тармоқлар бўйича тақсимланиши, меҳнат унумдорлиги динамикаси ва даражасини таҳлил қилиш ҳамда меҳнатга ҳақ тўлаш тизимини.
     
   • 
     Ишлаб чиқариш (хизмат кўрсатиш) тармоқларида интенсивлаштириш даражаси ва унинг самарадорлик кўрсаткичлари.