Malakasini oshirish instituti tabiat bilan tanishtirish

Tabiat bilan tanishtirishda bolalar mehnatini tashkil etish.
Bolalarni 
tabiatdagi mehnati individual topshiriq shaklida va jamoa mehnat tarzida tashkil 
etiladi. 
Individual topshiriq maktabgacha ta’lim muassasasidagi barcha yosh 
guruhlarda qo’llaniladi. Bular tarbiyachiga bolaning xatti-harakatini puxtaroq 
boshqarish: yordam ko’rsatish, qo’shimcha tushuntirish, maslahat berish, 
topshiriqning bajarilishini nazorat qilish, bolaning faoliyatini boshqarish imkonini 
beradi. Bularning barchasi malaka hamda ko’nikmalarning aniq va mustahkam 
shakllanishiga, shuningdek, topshirilgan ish uchun mas’uliyat his etish, g’ayrat bilan 
mehnat qilish odatining tarbiyalanishiga yordam beradi. 
Jamoa 
mehnat bir vaqtning o’zida guruhning barcha bolalarida mehnat 
malakalari va ko’nikmalarini tarbiyalashga imkon yaratadi. Mehnatning bu shakli 
jamoadagi munosabatlarning tarkib topishi uchun zarurdir. Bunda mehnatning 
umumiy maqsadini tushunish, kelishib olish, o’z harakatlarini muvofiqlashtirish, 
ishni hamkorlikda rejalashtirish, o’rtoqlarga yordam berish, ularning mehnatini 
baholash kabi muhim ko’nikmalar shakllanadi. 
Bolalar mehnatini tashkil etish shakllaridan biri navbatchilikdir. Tabiat 
burchagida navbatchilik qilishni bolalar katta guruhda boshlaydilar. Mehnatning bu 
shakli 
mehnat 
malakalarini 
takomillashtirish, 
uning 
ijtimo’ly sabablarini 
shakllantirish imkonini yaratadi.