Malakasini oshirish instituti tabiat bilan tanishtirish

Naygulli briofillyum
(Semizgullar oilasi). Uzunligi 12 sm gacha boradigan 
barglarining kambar, dumaloq bo’lishi, 3 tadan to’p bo’lib g’o’shshalar holida 
joylashuvi bilan degremon briofillyumidan farq qiladi; bargining uchida tishchalari 
bor, shu tishchalarining orasidan yosh o’simliklar o’sib chiqadi. Barglari bilan 
poyasining ranggi marmarsimon, kulrangnamo-yashil xira tus orasida qora dog’lar 
ko’rinib turadi. Naygulli briofillyum ham, Degremon briofillyumi ham 
sukkulentlardir, suvni kam talab qiladi, yorug’ va salqin xonada o’stiriladi. O’sib 
borgan sayin o’simliklar bo’y cho’zib boradida, o’zining manzarali xususiyatlarini 
yo’qotib qo’yadi; yosh briofillyumlar chiroyliroq bo’ladi. Briofillyumning ikkala turi 
ham shingil holidagi to’pgulga to’planadigan mayda oq gullar chiqarib gullaydi. 
Oksalis
(Rovochdoshlar oilasi). Vatani — Janubiy Yevropa, Amerika, Afrika. 
Ingichka poyalar chiqaradigan kichikroq o’simlik, poyalarida uzun bandli nozik 
bo’ladigan yupqa murakkab barglari bor. Barg plastinkasi uchga bo’lingan, har bir 
qismi teskari yuraksimon bo’lib turadi, barglari och yashil yoki qo’ng’irsimon yashil 
rangda bo’lib, pastki tomoni qizg’ish. Barg bandlari tik, sal osilib turadi. Barglari 
kechasi yumilib, ertalab rostlanadi. Bu o’simlik oq, pushti yoki sariq rangli ingichka 
nozik gullar chiqarib gullaydi. Xona yorug’ va salqin, havo juda nam bo’lishini talab 
qiladi, tik quyosh nuridan uni pana qilib qo’yish kerak. Yozda mo’l-ko’l, qishda 
o’rtacha miqdorda sug’orib turiladi, oziqli yengil tuproqqa ko’chirib olib o’tqaziladi. 
Qalamchalari va ildizlarida hosil bo’ladigan tuganaklaridan ko’paytiriladi.