Malakasini oshirish instituti tabiat bilan tanishtirish

Degremon briofillyumi
(Semiz gullar oilasi). Vatani — Afrika tropiklari. Ancha 
bo’ydor (100 sm gacha boradigan) o’simlik bo’lib, poyasi tik o’sadi, pastki tomoni 
yog’ochlanib boradi. Barglari juft-juft bo’lib joylashgan, bandliy, cho’ziq,
yuraksimon, barglarining chetlari o’tmas tishchali. Tishchalarining’ orasida 
unuvchan kurtaklari ko’rinib turadi, shulardan yosh o’simliklar o’sib chiqadi. 
Barglari rivojlanib borgan sayin ona o’simlikdan to’kilib tushib, unib chiqadi.
Dratsena 
(Piyozgullilar oilasi). Vatani — Afrika tropiklari. Manzarali-yaproq bargli 
ko’p yillik o’simlik bo’lib, poyasi yog’ochlanib boradi, barglari chiziqli, to’q yashil 
bo’ladi. 
Xona o’simligi sifatida ko’pincha barglari och yashil, chetlari jingalak bo’ladigan 
xushbo’y dratsena uchraydi. CHiroyli tur-xillari ham bor: derem dratsenasi, Godzef, 
Guker, Sander dratsenalari shular jumlasidandir. Dratsena kam talab o’simlik, 
yorug’likni o’rtacha miqdorda talab qiladi (yorug’liksevar ola bargli xillaridan 
tashqari), uni yozda mo’l-ko’l, qishda yesa o’rtacha miqdorda sug’orib, ustidan suv 
purkab turish kerak. Yetuk o’simliklarni 3—4 yilda bir marta bahorda, 3:2:1:1 
nisbatdagi barg chirindisi, uy tuprog’i, torfli tuproq va qumdan iborat yengil tuproq 
aralashmasiga olib o’tqaziladi. Dratsena juda kamdan-kam gullaydi. 
Dratsenani ko’pincha yanglishib, kordilina bilan adashtirishadi,. kordilinadan 

---

37 
dratsena ildizlari sariq bo’lishi va ildiz o’simtalari bo’lmasligi bilan ajralib turadi.