|
Изоҳ: Ўзбекистон Республикаси Меҳнат кодекси, 2017 йил 15 мартдаги ВМнинг 140-қарори.
XII. ЎҚУВЧИ-ЁШЛАР КЕНГАШИ.
Ўқувчилар кенгаши таълим-тарбия жараёнида ўқувчилар манфаатларини ҳимоя қилади, таълим сифати юзасидан жамоатчилик назоратини олиб боради.
Ўқувчиларнинг иқтидор ва истеъдодларини юзага чиқаришда, ижтимоий фаоллигини оширишда, уларнинг билимли, одоб-аҳлоқли, соғлом фикрли, маънавий баркамол шахслар бўлиб етишишида мактаб маъмуриятига кўмаклашади.
Кенгаш ўқувчиларнинг маънавий-маърифий ишлар йўналишидаги иштирокини, интеллектуал қобилиятларини ривожлантиришга хизмат қилади.
Ўзини ўзи бошқариш орқали ўқувчиларда фуқаролик бурчи, масъулият туйғуларини, ижтимоий фаолликни шакллантиришни амалга оширади.
Амалдаги қонунчиликка мувофиқ ташкил этилган болалар, ўсмирлар, ва ёшларнинг жамоат ташкилотлари фаолияти натижаларини кўриб чиқади. Педагогик кенгашга таклифлар киритади.
Кенгаш билимида бўшлиқ бўлган ўқувчилар билан ишлашни ташкил этади ва амалий ёрдам беради.
Кенгаш мактаб радиоселектори орқали ўқувчилар давомати ва уларнинг фанларни ўзлаштириши тўғрисида доимий ахборот бериб боради.
Дарслардан сўнг маънавий-маърифий тадбирларни ўтказилишига амалий ёрдам беради.
Изоҳ: Президент Шавкат Мирзиёевнинг “Камолот” ёшлар ижтимоий ҳаракатининг IV қурултойидаги нутқи. 2017 йил 30 июнь
XIII. ЯКУНИЙ ҚОИДАЛАР
Таълим муассасалари ёш авлодни етук, маънавий бой, баркамол, комил инсон бўлиб ривожланишида асосий пойдевор вазифасини ўтар экан, бу борада ўқувчиларнинг ташқи қиёфаси, билим даражаси, ҳулқ-атвори бекаму кўст бўлиши таълим-тарбия жараёнига ижобий таъсир кўрсатади.
Бу борада, таълим-тарбия жараёнида раҳбар, раҳбар ўринбосари, синф раҳбари ва ота-оналарнинг ўзаро ҳамкорликда амалга ошираётган ишлари ўз самарасини бермоқда.
Бугунги кунда эса маънавият масалалари давлатимиз раҳбарининг “Юксак маънавият – енгилмас куч” номли китоби дунё юзини кўриши билан давлат сиёсати даражасига кўтарилди. Демак, энди олдинги ҳолатда ишлаб бўлмайди. Барча даражадаги ишларимиз шунга мос бўлиши шартдир. Шу маънода ушбу соҳадаги фаолиятизимни, хусусан тизимдаги маънавий-маърифий тарбия жараёнини ҳам функционал, ҳам концептуал-назарий, ҳам амалий-ташкилий жиҳатдан ушбу талаблар нуқтаи назаридан туриб яна бир бор чуқур таҳлил қилишимиз, баҳолашимиз ва янги босқичга олиб чиқишимиз зарур.
Жумладан, ҳар бир таълим муассасасида соғлом ижтимоий-психологик, ижодий ва маънавий муҳитнинг барқарор бўлишига эришиш, таълим ва тарбия жараёнига салбий таъсир кўрсатувчи ҳар қандай ҳолатларни келиб чиқиш сабаблари ва оқибатларини ота-она-ўқувчи-педагогик жамоа биргаликда муҳокама қилиш ва уларга барҳам бериш;
Таълим муассасалари ўқувчилари ўртасида маънавий-маърифий ишларнинг таъсирчанлиги, самарасини аниқлаш ҳамда педагогик жамоанинг маънавий-маърифий фаолиятига баҳо бериш мақсадида сўровномалар ўтказиш, натижаларини биргаликда муҳокама қилиш;
Маънавий – маърифий ишлар бўйича алоҳида ютуқларга эришган ўқувчи, ота-она ва педагог ходимларни маънавий ва моддий рағбатлантириш, ўзаро тажриба алмашинувини кучайтириш.
Маънавий – маърифий ишларнинг методик таъминотини яхшилаш, таълим муассасаларини миллий ғоя тарғиботи ва маънавий – маърифий ишларни ташкил этиш бўйича замонавий адабиётлар, методик қўлланмалар ва тавсиялар билан таъминлаш, бу борада ҳамкорликни кучайтириш;
Ўқувчиларда ахборот олиш ва тарқатиш маданиятини шакллантириш. Ўқувчини ахборотни қайси манбадан олишидан қатъий назар тўғри талқин қилишга ўргатишимиз лозим. Унга ҳар қандай салбий мазмундаги ахборотни қиёслаши, тўғрини нотўғридан, оқни қорадан ажратиши учун муқобил ахборотни ўз вақтида бериш;
Тарбиявий соатлар мавзуларининг энг долзарб масалаларга бағишланиши, қуруқ панд-насиҳатдан кўра кўпроқ, уларда тарбияга таъсир этувчи салбий иллатларнинг асл моҳиятини таҳлиллар, қиёслаш ва ҳаётий мисоллар ёрдамида, зарур бўлса мутахассислар иштирокида очиб бериш;
Ўқувчиларда кийиниш маданиятини шакллантириш, интернет ва уяли алоқа воситаларидан тўғри фойдаланишга ўргатиш, «Оммавий маданият» элементлари (хорижий эстрада юлдузлари, бадиий асарлар, кино ва мулътфильмлар қаҳрамонлари, «эмо» ёки «готлар» каби суб-маданиятлар вакиллари, татуаж, пирсинг ва бошқа.)га кўр-кўрона тақлид қилишининг олдини олиш.
Келишилди:
Сурхондарё вилоят, Шеробод тумани
12- сонли мактаб Касаба уюшмаси раиси
____________Н.Шоймуродов
“___”_______________________20__ йил
|
Тасдиқлайман:
Сурхондарё вилоят, Шеробод тумани
12- сонли мактаб директори
_________ И.Ф.НУРИДДИНОВ
“___”_____________________20__ йил
|
Do'stlaringiz bilan baham: |
