Maktabgacha va boshlang’ich ta’lim fakulteti

8-Mavzu

Og`zaki va yozma insho turlari. O`quvchilar inshosini tahlil qilish.

(ma’ruza-2 soat)
1.1. Ma’ruzani olib borish texnologiyasi

O`quv soati – 2 soat		Talabalar soni: 50 ta
O`quv mashgulot shakli		Axborotli ma’ruza.
Ma’ruza rejasi		1. Og`zaki va yozma insho turlari. 2. O`quvchilarni tarbiyalashda inshoning roli. 3. Insho mavzusi, uni yoritish. 4. Reja tuzish. 5. Insho yozishga tayyorlash.
O`quv mashg`ulotining maqsadi Talabalarga bog`lanishli nutq, og`zaki hikoya, qayta bilimlarni berish. Insho va uning turlariga qo`yilgan talablar bilan tanishtirish. Ijodiy qayta hikoyalash va tasvir elementlari haqida tushuncha va ko`nikmalar hosil qilish.
Pedagogik natijalar:	O`quv faoliyat natijalari:
1. Og`zaki va yozma insho turlari.	Insho 1-sinfda kichik og`zaki axborot va emotsional hikoyadan boshlanib, o`z fikrini ifodalashga, o`quvchi shaxsining tashkil topishiga xizmat qiladigan, ta’lim-tarbiyaviy ahamiyatga ega bo`lgan jiddiy rejali aqliy ishga aylanadi.
2. O`quvchilarni tarbiyalashda inshoning roli.	Inshoning tarbiyaviy ahamiyati tanlanadigan mavzuga, shuningdek, insho ustida o`quvchilar qanchalik mustaqil ishlashi va qiziqishiga, insho g`oyasiga ham bog`liq.
3. Insho mavzusi, uni yoritish.	Mavzu insho predmeti bo`lib, uning mazmunini tashkil etadi. Mavzuga qarab inshoda aks ettiriladigan materiallar, dalillar, hodisalar tanlanadi. Inshoning to`g`ri va to`liq bo`lishi o`qituvchi mavzuni qanday shakllantirishi, o`quvchilar uni qanday tushunishlariga bog`liq.
4. Reja tuzish.	Reja har qanday og`zaki yoki yozma hikoya qilishning zaruriy pog`onasi, uning «loyihasi» dir. Kishi o`z nutqi haqida o`ylab, asosiy gaplarini belgilab oladi. Insho uchun reja tuzish shuning uchun ham zarur. 1 - sinfda reja rolini o`qituvchi savollari, ya’ni so`roq gaplar tarzidagi reja bajaradi; 2 - sinfda reja jamoa o`qituvchi rahbarligida tuziladi; 3 - sinfda esa mustaqil tuziladi.
5. Insho yozishga tayyorlash.	Inshoga tayyorgarlikni o`qituvchi boshqaradi, bunga o`quvchilarni ishtirok ettiradi, ularning o`ta faolligi va mustaqilligiga erishadi. Tayyorlik deganda, birinchidan, o`quvchilarda nimanidir tasvirlashga, hikoya qilishga talab uyg`otadigan vaziyat yaratish; ikkinchidan, insho uchun yetarli bo`lgan zarur material yig`ish; uchinchidan, mavzuga oid, uni yoritishga mos bo`lgan til vositalarini tanlash tushuniladi.
O`qitish vositalari	O`UM, ma’ruza matni, doska, bo`r, latta.
O`qitish usullari	Axborotli ma’ruza, bliss-so`rov, klaster usuli, aqliy hujum.
O`qitish shaqillari	Frontal, kollektiv usulda.
O`qitish sharoiti	Texnik vositalar bilan ta’minlangan,guruhlarda ishlash usulini qo`llash mumkin bo`lgan auditoriya.
Monitoring va baholash	Og`zaki savollar, bliss- so`rov

Og`zaki va yozma insho turlari. O`quvchilar inshosini tahlil qilish mavzusining texnologik xaritasi.