Мактабгача, умумий ўрта, ўрта махсус, бошланғич профессионал, ўрта махсус профессионал ва мактабдан ташқари давлат таълим муассасалари педагог кадрларининг

Вазирлар Маҳкамаси ҳузуридаги Таълим сифатини назорат қилиш давлат инспекцияси бошлиғининг 2020 йил “___” ________даги
____-сон буйруғига
2-ИЛОВА


Мактабгача, умумий ўрта, ўрта махсус, бошланғич профессионал,
ўрта профессионал, ўрта махсус профессионал ва мактабдан
ташқари давлат таълим муассасалари педагог кадрларининг
малака (тест) синовини ўтказиш тартиби тўғрисида
ЙЎРИҚНОМА

Мазкур Йўриқнома Ўзбекистон Республикаси Вазирлар Маҳкамасининг “Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси фаолиятини ташкил этиш тўғрисида”

2017 йил 18 июлдаги 515-сон қарори ҳамда Ўзбекистон Республикаси Вазирлар Маҳкамасининг “Мактабгача, умумий ўрта, ўрта махсус, касб-ҳунар ва мактабдан ташқари давлат таълим муассасалари педагог кадрларини аттестациядан ўтказиш тартиби тўғрисидаги низомни тасдиқлаш ҳақида”
2019 йил 13 майдаги 392-сон қарорига асосан мактабгача, умумий ўрта, ўрта махсус, бошланғич профессионал, ўрта профессионал, ўрта махсус профессионал ва мактабдан ташқари давлат таълим муассасалари педагог кадрларининг (кейинги ўринларда – педагог кадрлар) аттестация жараёнига оид малака (тест) синовини ўтказиш тартибини белгилайди.


1-боб. Умумий қоидалар

1. 
   Ушбу Йўриқнома талаблари биринчи, олий малака тоифали ва етакчи, бош ўқитувчи лавозимидаги ҳамда мазкур малака тоифалари ва лавозимларга талабгор педагог кадрларнинг малака (тест) синовини ўтказиш жараёнига нисбатан татбиқ этилади.
   
2. 
   Аттестацияга жалб этилган педагог кадрларнинг малака (тест) синови ҳар йили март-апрель ойларида Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси (кейинги ўринларда – Инспекция) томонидан тасдиқланган биринчи, олий малака тоифали ва етакчи, бош ўқитувчи лавозимидаги ҳамда мазкур малака тоифалари ва лавозимларга талабгор педагог кадрларни аттестация жараёнига оид малака (тест) синови тасдиқланган жадвал асосида ўтказилади.
   

3. Мазкур Йўриқномада қуйидаги асосий тушунчалардан фойдаланилади: