Maktabgacha ta’limga qo‘yiladigan davlat talablari

3-§. Ijod 

251. Quyidagilar 3 yoshdan 5 yoshgacha bo‘lgan bolalarda ijod talablari hisoblanadi: 

turli tovushlar va ovozlarni ajrata olish; 

musiqiy faoliyatga qiziqish bildirish; 

ko‘rgazmali faoliyatda ishtirok etishga qiziqish bildirish. 

252. Quyidagilar 3 yoshdan 5 yoshgacha bo‘lgan bolalarda ijod indikatorlari hisoblanadi: 

yuk  mashinasi,  mototsikl,  vertolyot  kabi  turli  xil  transport  vositalarining  ovozini  ajratish  va  aytib 

berish; 

radio, televizor va boshqa qurilmalar orqali o‘zi yaxshi ko‘rgan musiqani astoydil tinglash; 

tanish kuylarni astoydil tinglash va kuylash; 

ayrim cholg‘u asboblarini farqlash; 

tovushlarning tembri, balandligi va registriga ko‘ra farqlash; 

mustaqil ravishda televizor, kompyuter, magnitofonni yoqish va o‘chirish; 

rangli bo‘yoqlardan foydalanish va ranglarni mustaqil ravishda aralashtirish; 

o‘yin paytida ayrim narsalarni tasavvur qilish yoki ularni ta’riflab berish; 

yangi o‘yinlarni yaratish va hikoyalarni o‘ylab topish. 

253. 3 yoshdan 5 yoshgacha bo‘lgan bolalar ta’limiga quyidagicha yondashish lozim: 

bola transport vositalari ovozlariga taqlid qiladigan o‘yinlarni tashkil qilish; 

bolaning radio, televizor va boshqa qurilmalar orqali o‘zi yaxshi ko‘rgan kuy va qo‘shiqlarni tinglashi 

uchun imkoniyat yaratish; 

bolani tanish qo‘shiqlarni aytishga undash; 

musiqali mashg‘ulotlar uchun muhit yaratish va bolalar bilan birga qo‘shiq aytish; 

bolaning mustaqil ravishda qo‘shiq ayta olishi mumkin bo‘lgan o‘yinlarni tashkil qilish; 

kuylarning mazmunini izohlab berish; 

bolani rang-barang bo‘yoqlar bilan ta’minlash va aralashtirishga yordam berish; 

bolani rol o‘ynaydigan o‘yinlarga jalb etish va tasavvurlarini rivojlantirishga yordam berish; 

boladan hikoyaning yangi yakunini o‘ylab topishni so‘rash; 

bola uchun u tajriba o‘tkazishi va taassurotlarini qo‘llashi mumkin bo‘lgan muhit yaratish; 

bolaning oddiy muammolarni hal qilishda ijodiy qarorlar qabul qilishini rag‘batlantirish. 

254.  Bolaning  texnik  vositalardan  ehtiyotkorlik  bilan  foydalanishini  kuzatish  va  unga  ehtiyotsizlik 

qanday oqibatlarga olib kelishi mumkinligini tushuntirish lozim.