Maktabgacha ta’lim yoshidagi bolalarni maktab ta’limiga psixologik tayyorgarlik diagnostikasi

MAKTABGACHA TA’LIM YOSHIDAGI BOLALARNI MAKTAB TA’LIMIGA PSIXOLOGIK TAYYORGARLIK DIAGNOSTIKASI.
Tillaboyeva Gulshoda Abdurasul qizi 25-maktab psixologi va Bulturova Nazira Umarjon qizi NamDu Maktabgacha va boshlang‘ich ta’lim yo’nalishi 3-bosqich talabasi
Annotatsiya: Mazkur maqolada bolalarni maktab ta’limga psixologik tayyorligi va uning jamiyatdagi ijtimoiy mavqeining o’zgarishi va kichik maktab yosh davridagi bolalar o’quv faoliyatining o’ziga xosligi, psixologik tayyorgarlikning tarkibiy jihatlari: intelektual(aqliy), ma’naviy, irodaviy tayyorgarligi, Oila - Maktabgacha ta’lim tashkiloti – Maktab hamkorliklari ish shakllari. Maqolada bolaning maktab ta’limni olishiga tayyorgarlik darajasini aniqlash va tashxislash usullari, shuningdek innovatsion tushunchalar ko’rsatib o’tilgan.
Kalit so’zlari: psixologik tayyorgarlik, diagnostika, innovatsiya, ma’naviy xususiyatlar, irodaviy xususiyatlar, rivojlanganlik darajasi, ommaviy axborot vositalari, sangvinik, melanxolik, flegmatik, xolerik, temperament, xarakter, Kern-Irasek “Grafik diktant”, suhbat, kuzatish.
Maktabning bola shaxsiga qo’yadigan asosiy talablaridan biri psixologik tayyorgarlikdir. Bolaning psixologik tayyorgarligi bu – uning ota- onasi, tengdoshlari va jamiyatdagi ijtimoiy mavqeining o’zgarishi va kichik maktab yoshidagi bolalar o’quv faoliyatining o’ziga xosligi bilan uzviy bog’liq. Shuni ta’kidlab o’tish joizki maktabgacha yoshdagi bolalarni maktabga psixologik tayyorgarligi doimiy hisoblanmaydi, balki u doim o’zgarib boyib boradi.
Psixologik diagnostika bu- Psixologik fan va psixologik amaliyotning eng muhim sohasidir.Maktabgacha ta’lim tashkilotlarida Psixologik diagnostika o’tkazish jarayonida bolaning holati va uning yosh stamdartlariga muvofiqligi to’g’risida ma’lumot olish uchun turli xil usullar qo’llaniladi. Bolani diagnostic tekshiruvini o’tkazishda qo’llaniladigan uslubiy usullar qisqa va bolaning shaxsiyatini ma’lum bir sohasidan ma’lumot olish uchun qulay bo’lishi kerak.Diagnostik tekshiruvni boshlashdan oldin, har qanday mavzuni yoritadigan diagnostic interviyu o’tkazish tavsiya etiladi.