Maktabgacha ta’lim va pedagogika kafedrasi

13-Maruza
OLIMPIYA TA’LIM TIZIMI
Reja

1. 
   Birinchi xalqaro atletik kongress.
   
2. 
   Olimpiya g’oyalarining amalga oshishi.
   
3. 
   xalqaro sport uyushmalari va olimpiya qo’mitasini
   

Qadimgi olimpiya o’yinlarining o’tkazilishi to’xtatilganidan keyin (394 y.) roppa-rosa bir yarim ming yildan oshiq vaqt o’tdi. 1894 yilda Xalqaro Olimpiya qo’mitasining tashkil etilishi va 1896 yil I Olimpiya o’yinlarining o’tkazilishi bilan sport olamining yangi tarixiy davri boshlandi. Bu ikki katta sohaning tashkil etilishi fransuz jamoat arbobi, pedagog va ma’rifatchi baron Pyer de Kuberten (1863-1937) faoliyati bilan chambarchas bog’liqdir.

XIX asr oxirida mamlakatlardagi sport tashkilotlarining o’zaro tajriba almashish faoliyatlari yuzaga kelib, keyinchalik ular Xalqaro sport uyushmalariga asos solganlar.
1881 yilda jahonda birinchi marotaba Yevropa gimnastika uyushmasi tashkil etilgan. Shu yilning o’zida esa Xalqaro gimnastika federasiyasi (DIJ) tashkil topgan. 1882 yilda Konkida uchish Xalqaro uyushmasi (ISU) va Xalqaro eshkak eshish federasiyasi (FISA), 1900 yilda Xalqaro velosport uyushmasi (USI), 1904 yilda Xalqaro futbol federasiya-assosiasiyasi (FIFA), 1908 yilda Xalqaro havaskorlik suzish federasiyasi (FINA), va Xalqaro muz ustida xokkey ligasi, 1912 yilda Xalqaro yengil atletika havaskorlik federasiyasi (IAAF), 1913 yilda Xalqaro nayzabozlik federasiyasi (FIB) tashkil etilgan.
1885 yilda Xalqaro Xristian yoshlar uyushmasi (UMSA) sport departamenti bilan birgalikda tashkil etildi. 1902 yilda esa «Makkabi» uyushmasi, ya’ni yahudiylar tashkiloti tuzildi.
Shu tariqa xalqaro sport uyushmalari va olimpiya qo’mitasini tashkil etishiga sharoitlar yaratiladi.