Maktabgacha ta`lim

16.4. Pedagogik kengash bo’yicha ish xujjatlarini yuritish 
 
Pedagogik  Kengash  Xalq  ta`limi  bo’limi  tomonidan  tasdiqlangan  ish  rejasi 
asosida faoliyat tashkil etadi. 
Pedagogik  Kengash  yig’ilishi  ikki  oyda  bir  marta  (o’quv  yili  davomida  6 
marta) o’tkaziladi. 

---

 
164 
Zarur bo’lgan holatlarda, navbatdan tashqari pedagogik Kengash yig’ilishlari 
o’tkazilishi mumkin. 
 Qarori  ishtirokchilarning  uchdan  ikki  qismi  ovozi  bilan  qabul  qilinadi. 
Ovozlar teng bo’lgan taqdirda Kengash raisining qarori hal qiluvchi hisoblanadi. 
Pedagogik  Kengashning  qarori  va  tavsiyalarini  nazorat  qilish  muassasa 
rahbari zimmasiga yuklatiladi. 
Pedagogik  Kengash  a`zolari  yig’ilishida  muassasa  ishini  yaxshilash  bo’yicha 
takliflar kiritish huquqiga ega. 
Pedagogik  Kengash  qarorlarini  bajarish  uning  barcha  a`zolari  uchun 
majburiydir. 
Pedagogik  Kengashning  kun  tartibi  va  o’tkazish  vaqti  hodimlarga  ikki  hafta 
avval ma`lum qilinadi. 
Pedagogik  Kengash  qaroridan  norozi  bo’lgan  Kengash  a`zosi  ushbu  qarorni 
tuman (shahar) xalq ta`limi bo’limi muhokamasiga qo’yishi mumkin. 
Pedagogik  Kengashning  moddiy-texnik  ta`minotini  muassasa  rahbari 
ta`minlaydi. 
Muassasaning pedagogik tarkibi 3 nafardan kam bo’lgan taqdirda, Pedagogik 
Kengash tashkil etilmaydi. 
Pedagogik Kengashning bayonnomalar kitobi yuritiladi (XTVning 2005 yil 23 
apreldagi  «Maktabgacha  ta`lim  muassasalari  ish  hujjatlari  to’g’risida»gi  96-sonli 
buyrug’i asosida). Har bir yig’ilishdan keyin uni kotiba va rais imzolaydi. 
Bayonnomalar  kitobi  davlat  maktabgacha  ta`lim  muassasalari  uchun  tuman 
(shahar)  xalq  ta`limi  bo’limi  tomonidan,  nodavlat  ta`lim  muassasalari  uchun 
ta`sischi tomonidan tikilgan, raqamlangan va muhrlangan bo’lishi shart. 
Pedagogik  Kengash  bayonnomasi  har  o’quv  yili  boshida  yangidan 
raqamlanadi. 
Pedagogik  kengash  ishining  muvaffaqiyati  ko’p  jihatdan  pedagoglar  jamoasi 
muhokamasiga  qo’yilgan  masala  qanchalik  savodli  va  jiddiy  tayyorlanganligiga 
bog’liq bo’ladi. 
Pedagogik  kengashning  yig’ilishi  ikki  oyda  bir  marta  chaqiriladi,  zaruriyat 
tug’ilganda navbatdan tashqari  yig’ilish  chaqirilishi  mumkin. Muhokamaga ko’pi 
bilan  3-4  ta  masala  qo’yiladi,  pedagogik  kengash  ishdan  tashqari  vaqtda 
o’tkaziladi. 
Pedagogik  kengash  qarorining  loyihasini  ma`ruzachi  (MTMning  mudiri  yoki 
uslubchi) oldindan tayyorlaydi. 
 
Nazorat savollari: 
 
1.  Pedagogik kengashning asosiy vazifalari nimalardan iborat va bu qaysi 
qonun xujjatida belgilab berilgan? 
2.  Pedagogik kengash o’tkazishda qanday pedagogik o’yin turlaridan 
foydalanish mumkin? Misollar keltiring. 
3.  Pedagogik kengashda qanday masalalar ko’rib chiqib, muhokama qilinadi? 
Misol keltiring. 
4.  Pedagogik kengash bayonnomalarini yuritish tartibini izohlang. 

---

 
165 
 
Testlar: