Maktabgacha ta’lim” ta’lim yo‘nalishi bo‘yicha bakalavr darajasini olish uchun

Muammoning o‘rganilganlik darajasi: Yoshlarni umuminsoniy va milliy qadriyatlar asosida ma’naviy tarbiyalash bugungi kunda pedagogika fani oldida turgan dolzarb masalalardandir. Milliy urf-odatlar va qadriyatlardan ta’lim-tarbiya tizimida foydalanish xususida gap borar ekan, respublikamiz olimlari tomonidan amalga oshirilgan ishlarni qayd etib o‘tishni lozim deb o‘ylaymiz. Mazkur muammo bo‘yicha Pedagogika fani sohasida K.Hoshimov, M.Ochilov, S.Temirova, O.Musurmonova, S.Nishonova, U.Mahkamov, M.Inomova, M.Quronov, S.Ochilov, N.Ortiqov, Q.Qurbonboyev, J.Toshmatova, Sh.Olimov va boshqalar tomonidan olib borilgan ilmiy tadqiqot ishlari e’tiborga loyiqdir. Ular o‘z ilmiy izlanishlarida bolalarda ma’naviy-axloqiy fazilatlarni shakllantirish bo‘yicha qator yutuqlarni qo‘lga kiritganlar va mazkur jarayonda milliy tarbiya asoslaridan samarali foydalanishga erishish hamda barkamol insonni tarbiyalashning milliy modelini ishlab chiqishga uringanlar.

Ta’lim-tarbiya jarayonida milliy qadriyatlarimiz biri bo‘lgan xalq og‘zaki ijodi namunalaridan samarali foydalanish masalalari M.Haydarov, X.Sanaqulov, I.Valixo‘jayeva, D.Abdurahimova, Z.Qurbaniyazova, M.Maxmudova, Z.Bobobekova va boshqalarning ilmiy tadqiqot ishlarida chuqur o‘rganilgan. Shu bilan birga xalq maqollarini to‘plash, ularni saralash va mazmunini izohlash bo‘yicha G.Mirzayev, B.Sarimsoqov, A.Musoqulov, Sh.Shomahmudov, Sh.Shorahmedov, R.Safarova, O.To‘rayeva, Sh.Abdujalilova, E.Gapparov, I.Karimov kabi pedagog olimlarning xizmatlari kattadir.

Barkamol shaxsni tarbiyalashda milliy qadriyatlar va urf-odatlardan foydalanish bugungi kunda ta’lim-tarbiya jarayoni oldida turgan eng dolzarb vazifalaridan biri hisoblanadi. Shu boisdan ham mamlakatimizda yaratilgan bu betakror an’ana va marosimlar, milliy qadriyatlar va urf-odatlarni o‘rganish hamma davrlarda ham olimlar oldida muhim bir qator muhim vazifalarni bajarish zaruratini qo‘ygan. Bu borada J.Hasanboyev, M.Turopova, O.Hasanboyeva, A.Mavrunov, U.Qoraboyev va boshqalarning ilmiy ishlari va maqolalarini eslatib o‘tish maqsadga muvofiqdir. Shuningdek, xalq pedagogikasining ta’lim oluvchi shaxsiga tarbiyaviy ta’sir ko‘rsatish muammosini o‘rganish bo‘yicha M.Ochilov, A.K.Munavvarov, S.Axmedov, S.Ochilov, O.Musurmonova, M.Inomova, S.Nishonova va boshqalar tomonidan doktorlik ishlari bajarilganligini alohida kayd etish joiz.