Maktabgacha muassasalar xodimlarini qayta tayyorlash va malakasini oshirish respublika

Vazifalar:

Bog’langan nutqni rivojlantirish.

«Vatan», «Harbiylar» mavzularida lug’atni faollashtirish.

Nutqning ifodaliligini tarbiyalash

Kutilayotgan natijalar:

Bolalarning bog’langan nutqi va tovush madaniyati

rivojlanadi.

Vatanni himoya qilish har bir yigitning burchi ekanligini anglab etadilar.

Bolalar qalbida Milliy Armiyaga muhabbat, milliy g’urur hissini tarbiyalanadi.

Kerakli jihozlar:

“14-yanvar-Vatan himoyachilari kuni” surati

Mashg’ulotning borishi

Tarbiyachi: bolalar, 14-yanvar- Vatan himoyachilari kuni. Vatan himoyachilari bu bizning askar yigitlarimiz, sizning akalaringiz bo’ladilar. Siz esa ularning o’rinbosarlari bo’lasiz. Chunki tez kunda ulg’ayib, Vatanimiz posbonlariga aylanasiz. Askar yigitlar - Vatanimizni dushmanlardan himoya qiladilar va chegaralarimizni qo’riqlaydilar. Ular yurtimiz tinch bo’lishi uchun kecha-yu kunduz sergak turadilar. Milliy Armiyamizning mard askarlari, baquvvat qurollari: raketa, samolyot, tank, pulemyotlari bor. Askarlarimiz kuchli va botirlar. Ular haqida bir qancha she’rlarni yod olganmiz. Kelinglar, yod olgan she’rlarimizni esga olamiz.(bolalarning javoblari)

Hozir biz “14-yanvar-Vatan himoyachilari kuni” mavzusidagi suratini ko’rib chiqamiz.

Tarbiyachi “14-yanvar-Vatan himoyachilari kuni” surati ilib qo’yiladi va mazmuni bo’yicha suhbat o’tkaziladi.

Suratda kimlar tasvirlangan?

Suratni qanday nomlash mumkin?

Askar yigitlarning qo’llarida nimalar bor?

Durbin askarga nima uchun kerak?

Askar xaltachasida nima bor deb o’ylaysiz?

Chegarada it askarlarga qanday yordam beradi?

Tankchilar xizmati haqida nimalarni bilasiz?

Kemada kimlar xizmat qiladi?

Jismoniy daqiqa.Tarbiyachi: bolalar, faraz qiling siz zobitlarsiz, o’quv mashqidasiz. Sanama aytib ikki guruhga bo’lining. Bolalar egilgan yoy ostidan emaklab o’tib, savatga to’pni tushirishga harakat qiladilar. Qaysi guruh to’pni savatga aniq tushirsa, shu guruh g’olib bo’ladi.

Jismoniy daqiqadan so’ng bolalarning hikoyalari tinglanadi. So’ngra tarbiyachi bolalar javoblarini umumlashtiradi: bolalar, biz 14-yanvar – Vatan himoyachilari kuni ekanligi, Vatanimizni kuchli Milliy Armiyamiz himoya qilishi, askarlarimiz kuchli va botir ekanligi, Armiyamizning baquvvat qurollari borligi haqida suhbatlashib oldik. Uyga borganimizda hammamiz dadamizni, akalarimizni bayram bilan tabriklaymiz.