Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Rasmlar asosida gap tuzishga o’rganadilar.

Grammatik jihatdan to’g’ri so’zlashga intiladi

Kerakli jihozlar:

Turli mavzularda rasmlar

Mashg’ulotning borishi.

Tarbiyachi: Bugun bolalar, siz bilan “R” tovushi ishtirok etgan rasmlarni ko’ramiz, ular haqida gap tuzamiz.

-Bu nima? (raketa)

-Men raketa haqida gap tuzdim. “Raketa uchdi.”

- bolalar, hozir men sizga rasmlar tarqataman. Siz rasmga qarab gap tuzasiz.

Tarbiyachi: - Feruza, senda qanday rasm bor, nomla.

Feruza:-menda randa rasmi bor.

Tarbiyachi: randa so’zida “R” tovushi so’zning qaerida kelyapti?

Feruza: randa so’zida “R” tovushi so’zning boshida kelyapti.

Tarbiyachi: randa so’zini bo’g’inga bo’l.

Feruza: ran-da

Tarbiyachi:- ran-da so’zi necha bo’g’in ekan?

Feruza: randa so’zi ikki bo’g’in ekan

Tarbiyachi:- randa haqida qanday gap tuzding?

Feruza: - Rustam randa oldi.

Tarbiyachi: tuzgan gapingda nechta so’z bor?

Feruza: - uchta

Tarbiyachi: -qanday so’zlar?

Feruza: - “Rustam”, “randa”, “oldi”

Tarbiyachi: -to’g’ri, Feruza uch so’zdan iborat gap tuzdi. Dono dutor chaldi. Gapda “Dono” birinchi so’z, “dutor” ikkinchi so’z, “chaldi” uchinchi so’z.

Tarbiyachi shu tariqa bolalardan “R” tovushi ishtirok etgan so’zlardan gap tuzishlarini so’raydi. Bolalarning so’zdagi tovushlarni to’g’ri talaffuz qilishlariga, tuzilgan gapda so’zlarning bog’lanishiga e’tibor beradi. Mashg’ulot davomida albatta jismoniy daqiqa o’tilishi lozim.