Maktabgacha muassasalar xodimlarini qayta tayyorlash va malakasini oshirish respublika

Noyabr

1-mashg’ulot

Mavzu: Jamoa hayotidan hikoya tuzish: “Bizning jonli burchagimiz”

Maqsad:

Hikoya uchun qiziqarli mazmun tanlash malakasini o’stirish. Tabiat burchagidagi hayvonlar haqida shaxsiy taassurotlar bo’yicha so’zlab berish.

Vazifalar:

Bog’langan nutqni rivojlantirish.So’zlayotganda to’g’ri nafas olishni rivojlantirish.Jumlalarni, tovushlarini aniq aytish, ovoz ohangini

to’g’ri qo’llash. “N” tovushini aniq aytishni mashq qilish.So’zlarni qattiq va sekin aytishga o’rgatish.

Kutilayotgan natijalar:

Bolalarning bog’langan nutqi rivojlanadi.

Bolalar jumlalarni, tovushlarini aniq aytishni, ovoz ohangini to’g’ri qo’llashni o’rganadilar.

Kerakli jihozlar:

Tabiat burchagidagi hayvonlar: toshbaqa, tipratikan, quyon va boshqalar.

Mashg’ulotning borishi

Tarbiyachi: Bugun biz tabiat burchagidagi hayvonlar haqida suhbatlashamiz.

Tarbiyachi bolalar bilan tabiat burchagidagi hayvonlarni kuzatadi va so’raydi: O’ylab ko’ring-chi, siz qaysi hayvon haqida hikoya tuzishni istaysiz? (tipratikan, toshbaqa). Balki uyingizda quyon, qo’y, kuchuk bordir. Siz ularni qanday parvarish qilasiz? Qanday boqasiz? Shular haqida gapirib berishingiz mumkin (3-4 bolaning javoblari).

Tarbiyachi: Siz turli hayvonlar haqida qiziqarli hikoya tuzdingiz.

Barmoqlar mashqi

T arbiyachi she’rni o’qib turadi. Bolalar harakatni bajaradilar.

G’oz

Besh barmoq bo’lsa birga

O’xshar xuddi g’ozlarga,

G’ozlar g’ozni ko’rganda,

Deyishadi g’a-g’a, siz qayga?

Tirsakni tik tutib, kaft barmoqlari to’g’ri burchak shaklida bukiladi. Ko’rsatkich barmoq bosh barmoqqa tegib turadi. Barmoqlar jips yopishgan.

Hayvonlar haqida she’r bilasizmi? Kim aytadi?

Quyon I. Muslim	Tipratikan D. Ikromova
Hay, quyon, oppoq quyon, Kel, men bilan o’ynagin. Chopqillab u yon- bu yon, Bog’chamizda quvnagin. Yotsiratma o’zingni, Bog’da yayrab, daming ol! Senga ochay ko’ksimni Quyonjon kel, kela qol!	Choponim tikan-tikan Bog’da olma bormikin Terib olay ustimga Olib boray do’stimga Do’stim xursand bo’ladi, Mening ko’nglim to’ladi.