“Мактабгача, бошланғич вамахсус таълим методикалари” кафедраси Режа

Япония таълим тизими
Бошланғич мактабга 6 ёшдаги япон болаларнинг 99% қатнайди. Ўқув
режасига япон тили, гуманитар фанлар, арифметика кабилар киради. Санъат ва ҳунар (япон хусни хати), мусиқа, уй хўжалигини юритиш, жисмоний тарбия, ахлоқий одобнома академик предметлар ҳисобланмайди.
Японияда бошланғич таълим мажбурий ва бепул бўлиб, машғулотлар апрел ойида бошланади. Ўқув йили 3та чорак – симестрга бўлинади. 1-чорак – 6 апрелдан – 20 июлгача давом этади, кейин ёзги таътил бошланади. 1- сентябрдан 2-симестр бошланади ва 26 декабргача давом этади. 26-декабрдан 7-январгача қишги таътил бўлади. Охирги 3-симестр 7-январдан 25-мартгача давом этади.
25-мартдан 6-апрелгача баҳорги таътил бўлади. Шу пайтда ўқувчилар синфдан синфга кўчади. Чорак-симестрларнинг бошланиши ва тугалланиши турли мактабларда турли саналарга тўғри келиши мумкин. Таътил пайтида
ўқувчилар уй вазифаларини оладилар. Баъзан таътил пайтида ҳам, агар симестрда яхши ўқимаган бўлса, махсус курсларда ўқийдилар.
Японияда ўқиш 6 кунлик, лекин ҳар 2-шанба дам олиш куни ҳисобланади. Мактабларда ўқитиш дастури ўзгарувчан, лекин Таълим вазирлиги тасдиқлаган стандартларга асосланади. Бошланғич таълимни молиялаштириш, ўқитувчилар билан таъминлаш, мактаб дастурларини яратиш маҳаллий ҳокимият зиммасида. Бошланғич таълимда болалар давлат ҳисобидаги 1945 канджи иероглифдан 1006тасини ёд олиши керак.
Ота-оналар фарзандларини ўз туманларида жойлашган мактабга боришини истамасалар, хусусий пуллик таълим муассасасига беришлари мумкин, лекин бу мактабларга жуда қийин танлов орқали қабул қилинади