Мактабгача бошланғич ва махсус таьим кафедраси

Илмий рахбар: О.Бахромов
А.Қодирий номли Жиззах давлат педагогика институти Жисмоний маданият факультети 912-16 гурух талабаси Сатторов Миржалолнинг “Умумтаълим мактабларида жисмоний тарбия дарсларини ташкил қилиш ва ўтказиш усуллари” мавзусида ёзган битирув ишига ўқитувчи С.С.Тўйчиев томонидан
ТАҚРИЗ

Инсонпарварлик жамияти ривожланишининг замонавий босқичида жисмоний тарбия ва спорт соҳасида мактаб ўқувчиларининг ҳаракатланиш қобилятларини ривожлантириш ва жисмоний тайёргарлиги даражасини бошқариш билан боғлиқ масалалар алоҳида долзарблик касб этмоқда. Умумтаълим мактабларидаги таълим жараёни базавий жисмоний тайёргарлик асосларининг яратилишини, ўқувчиларда ҳаракат малака ва кўникмалари зарур фондининг шакллантирилишини, уларнинг ҳар жиҳатдан уйғун ривожланишини кўзда тутади. Бироқ, кузатишларга қараганда, мактаб ўқувчиларидаги асосий ҳаракат сифатларининг намоён бўлиш даражаси бугунги кун талабларига жавоб бермайди.

Сатторов Миржалолнинг “Умумтаълим мактабларида жисмоний тарбия дарсларини ташкил қилиш ва ўтказиш усуллари” мавзусидаги битирув малакавий иши айнан юқоридаги ҳолатларни ўз ичига қамраб олган. Сатторов Миржалолнинг битирув малакавий иши кириш, 2 боб, 6 та бўлим, хулосалар, фойдаланилган адабиётлар рўйхатидан иборат.
Битирув малакавий ишида мактаб ўқувчилари жисмоний тарбиясининг асосий шакллари ва машғулот формалари, умумтаълим мактаблари ўқувчи ёшларини ҳаракатга ўргатиш ва машғулотларда жисмоний сифатларни ривожлантириш, таълим жараёнларининг принциплари, ўқувчилар жисмоний тарбиясининг ўқув ишлари шакли, жисмоний тарбия дарсларида хатолар, уларни аниқлаш ва бартараф этиш усулияти, умумтаълим мактабларида жисмоний маданият дарсларини шакллари бўйича тадқиқотлардан олинган хулосалар тўғрисида батафсил маълумотлар келтирилган.
Сатторов Миржалол битирув ишини ёзишда ютуқлар билан биргаликда камчиликларга ҳам йўл қўйган. Ишда айрим орфографик хатоликлар мавжуд. Ушбу камчиликлар битирув малакавий иши қийматини пасайтирмайди. Аммо шунга қарамасдан Сатторов Миржалол ўз ишида ижобий натижаларга эриша олган. Сатторов Миржалол томонидан ёзилган битирув малакавий ишини химояга тавсия этаман.