Мактабгача бошланғич ва махсус таьим кафедраси

Тақризчи: доцент О.Э.Муқимов


А.Қодирий номли Жиззах давлат педагогика институти Жисмоний маданият факультети 920-16 гурух талабаси Мавлонова Зухранинг “Жисмоний тарбия дарсларида ўқувчиларининг жисмоний сифатлари” мавзусида ёзган битирув ишига илмий рахбар А.Ю.Бўрибоев томонидан
ХУЛОСА

Ўзбекистон Республикаси Президенти Ш.Мирзиёев таъкидлаганидек, республикада турли тоифадаги аҳолини жисмоний ривожлантириш ва жисмоний тарбиялаш давлат сиёсатининг муҳим вазифаларидан бири саналади, айниқса, мамлакатимизда аҳоли соғлиғини сақлаш ва мустаҳкамлашга илмий асосланган ёндашув ҳамда уни амалга ошириш усулларини янада такомиллаштиришга катта аҳамият қаратилган.

Шундай экан битирувчи талаба Мавлонова Зухранинг битирув малакавий ишида айнан юқоридаги ҳолатларни ўз ичига қамраб олган.
Жисмоний маданият йўналиши битирувчиси Мавлонова Зухранинг битирув малакавий иши “Жисмоний тарбия дарсларида ўқувчиларининг жисмоний сифатлари” деб номланган. Битирув малакавий иши кириш, 3 боб, 11 та бўлим, 52 бет, хулосалар, фойдаланилган адабиётлар рўйхатидан иборат.
Мавлонова Зухра битирув малакавий ишида ёш авлодни келгусида жисмоний тарбия ва спорт билан мунтазам шуғулланишида, мактаб даврида унинг организмига мос равишда юкламалар миқдорини аниқлаш ва ҳар томонлама тўғри режалаштириш олдиндан ўқитувчи ва мураббийлар диққатини ўзига тортиб келганлиги тўғрисида тўхталиб ўтган.
Битирув малакавий ишининг биринчи боби Мактаб ўқувчилари организмининг улғайишидаги ўзгариш даврлари деб номланиб, ушбу бобда кичик мактаб ёшидаги, катта мактаб ёшидаги болаларнинг ривожланиш хусусиятлари тўғрисида батафсил маълумотлар келтирилган.
Ишнинг иккинчи бобида болаларни жисмоний ривожланишида жисмоний сифатлар тўғрисида баён қилинган.Учинчи бобда жисмоний тарбия дарсларида ўқувчиларнинг жисмоний сифатларини тарбиялашнинг тажрибада исботлаш тўғрисида ёритилган.
Мавлонова Зухра битирув ишини ёзишда ютуқлар билан биргаликда камчиликларга ҳам йўл қўйган. Ишда айрим орфографик хатоликлар мавжуд. Ушбу камчиликлар битирув малакавий иши қийматини пасайтирмайди. Аммо шунга қарамасдан Мавлонова Зухра ўз ишида ижобий натижаларга эриша олган. Мавлонова Зухра томонидан ёзилган битирув малакавий ишини химояга тавсия этаман.