Мактабга тайёрлов

Фаолият тури: Элементар математик 54
Мавзу: Кўрсатилган йўналиш бўйича ҳаракат қилишни ўргатиш
Мақсад:
Болаларнинг фазовий тасаввурларини кенгайтириш.
Кутилаётган натижалар:
Аниқ топшириқ ва машқларда берилган йўналишда ҳаракат қилиш кўникмаси такомилл ашади.
Болалар шартли белгилар ёрдамида ҳаракат қилишни ўрганадилар.
Керакли жиҳозлар:
хил рангда байроқчалар (болалар сонига тенг), 2-та хариталар (ўлчами бўйи-12 см, эни 20 см)
Буратино (ёки бошқа эртак қаҳрамони)
Турли шаклдаги байроқчалар Машғулотга тайёргарлик: тарбиячи олдиндан хонадаги барча предметларга катта қилиб ёзилган рақамларни қўйиб чиқади.
Фаолиятнинг бориши:
Тарбиячи: Болажонлар, ҳозир сизларга 2 хил рангда байроқчалар бераман. Бир хил рангдаги байроқчаларни олган болалар тезда бир жойга йиғилинг.
Мана 2 тага гуруҳга бўлиндингиз, энди ҳар бир гуруҳдаги болалар биргаликда топшириқни бажарасизлар. (Олдин 1-гуруҳ болалари топшириқни бажарадилар, сўнг 2-гуруҳ

70



болаларига топшириқ беришдан олдин буюмларга қўйилган сонларнинг ўрни алмаштирилади.)
Болажонлар, сизлар кўрсатилган йўналиш бўйича ҳаракат қилишни жуда яхши ўрганиб олгансизлар. Бугун мен сизларга жуда қизиқ топшириқ тайёрлаб қўйдим. Ҳар бир гуруҳ мана бу карталардан бирини олади. Хонамиздаги нарсалар карталарда маълум белгилар билан белгилаб қўйилган. Аввал белгилар нималарни билдиришини ўрганиб оласизлар. Кейин эса шу белгилар ва уларга қўйилган сонлар бўйича ҳаракат қиласизлар. 1 сони қўйилган жойни топасиз ва шу жойдан бошлаб стрелка бўйича 2 сони қўйилган томонга ҳаракатланасиз. Сўнг 3, 4, 5, 6 сонлари билан белгиланган жойларга ҳаракатланиб маррага етиб келасиз. Маррага етиб борганда байроқчаларни ўрнатасиз.
Бу харита билан ишлаш учун қуйидаги саволларга жавоб беришларингиз керак:
Харитада қандай геометрик шакллар тасвирланган?
Харитада нечта геометрик шакллар чизилган?
Биринчи шакл хонадаги қайси буюмга ўхшайди?
Иккинчи шакл хонадаги қайси буюмга ўхшайди?
4-шакл хонанинг қаерида жойлашган?
1,3, 8, 11-ракамлар қўйилган шакл ниманинг шакли?
5-шакл хонанинг қаерида жойлашган?
5-шакл ниманинг шакли?
6, 9, 10-рақамлар қайси жиҳозларга қўйилган?
7-рақам қўйилган шаклнинг номини айтинг.



- болалар столи
тарбиячининг столи
болалар столи
доска


шкаф
тинчланиш бурчаги
болалар столи
шкаф
- болалар столи 12-марра
Билимларни мустаҳкамлаш учун ўйин: “Байроқчага қараб юр”

71



Бу ўйин болаларнинг хотирасини, диққатини ривожлантиради. Болаларнинг фазовий тасаввурларини мустаҳкамлайди.
Тарбиячи машғулот бошланишидан олдин хонанинг турли жойларига байроқчалар қўйиб чиқади. Качал полвон ёки бошқа эртак қаҳрамони тарбиячи ёрдамида болаларга топшириқ беради: “Шкафгача бориб, чапга 6 қадам юр ва олтибурчак шаклидаги байроқчани ол”, бола топшириқни бажариб байроқчани топади. Болалар бундай топшириқларни осонгина бажарсалар, топшириқлар мураккаблаштирилади. Масалан: “8 қадам олдинга юр, ўнгга бурил, 4 қадам юр, чапга бурил. У ерда учбурчак шаклидаги байроқчани топасан”. Ўйин бир неча марта такрорланади.
Болалар билимини текшириш ва мустаҳкамлаш учун саволлар:
Харита билан ҳаракатланиш осон бўлдими ёки айтиб турилган топшириқ асосида ҳаракатланишми?
Харита асосида маррага етиш учун нечта жойдан ўтдингиз?
Чап қўлингизни баландга кўтаринг, ўйин давомида неча марта чапга юрганлигингизни эслай оласизми?
Ўнг қўлингизни баландга кўтаринг, ўйин давомида неча марта ўнг томонга юрганлигингизни эслай оласизми?
Машгулот якунида болаларни рагбатлантириш.
Март ой мавзуси: Бахор чиройи
Хафта мавзуси: Хайвонлар,қушлар ва хашоратлар
Мартнинг 4- хафтаси