Мактабга тайёрлов гурущида йил давомида ытказиладиган математика маш\улотларининг та=симланиши

Тарбиячи: Ҳозир сизлар 11 дан 20 гача бўлган сонларни ҳосил қилишни билиб олдингиз. 11 дан 20 гача бўлган сонлар иккинчи ўнлик сонлар дейилади.
Жисмоний дақиқа.
Болалар 1 дан 20 гача бўлган сонлардан бирини оладилар ва тарбиячи қайси бола 1 ни олган бўлса стол ёнидан туришини бошқа болалар ўзларидаги сонларга қараб 2, 3, 4, 5 ва 20 гача унинг ёнидан чапдан ўнгга терилиб туришларини тушунтиради. Болалар туриб олганларидан сўнг ўз сонларини тўғри тартибда айтадилар. Кейин болалар доира бўлиб турадилар ва сонларни кўрсатмаган ҳолда бир-бирига узатадилар. Тарбиячи яна хонанинг хоҳлаган жойини айтиб ўша жойдан 1 дан 20 гача тўғри терилиб туришни айтади. Сўнг 1-ўнлик квадрат шаклида, 2- ўнлик овал шаклида туришини айтади.
Болалар учун амалий иш.
1-топшириқ: 12 та учбурчакни бир тўплам қилинг. Тўпламдаги учбурчакларни тенг 2 қисмга ажратинг. Ҳар бир тўпламда нечта учбурчак бор?
2-топшириқ: 5 дона доирадан 3 та тўплам қилинг. 3 та тўпламни 1 тўплам қилинг ва сананг, доиралар жами нечта?
3-топшириқ: 18 та учбурчакни бир қатор қилиб қўйинг ва санаб текшириб кўринг. Тагидан битта ортиқ қилиб квадрат шаклларини териб чиқинг. Квадрат шакллари нечта? Санаб айтинг.
Болалар билимини текшириш ва мустаҳкамлаш учун саволлар:
1. Биринчи ўнлик сонларни санаб беринг.
2. Иккинчи ўнлик сонларни санаб беринг.
3. Ликобчада 17 та ёнғоқ бор, уларни 18 та қилиш учун нима
қилишимиз керак?
4. Сизнинг 15 та рангли қаламингиз бор эди, яна 1 та қалам берсам
ҳамма қалам нечта бўлади?
5. 2 кишининг бармоқларини қўшиб, санасак ҳаммаси нечта бўлади?
Тарбиячи Фаолият давомида ва якунида болаларни ширин сўзлар билан рағбатлантиради.


Геометрик шакллар
Мавзу: Таёқчалардан ҳосил бўлган геометрик шакллардан бир нечта таёқчани олиш усули билан кўринишини ўзгартириш


Мақсад:
Болаларга муаммоли вазиятларда тўғри ечим топишни ўргатиш.
Кутилаётган натижалар:
Болалар берилган маълум шаклнинг баъзи қисмларининг жойини ўзгартириш билан янги шакл ясаш мумкинлигини билиб оладилар.
Болалар муаммоли вазиятда тўғри ечим топишни ва муаммони ҳал қилишни ўрганадилар.
Болаларда ижодкорлик ва эътиборлилик ошади.