Мактабга тайёрлов гурущида йил давомида ытказиладиган математика маш\улотларининг та=симланиши

Болалар учун амалий иш.
Болалар қум тўкилган майдонда ўйинчоқ челаклари билан катта челакка қанча қум сиғишини ўлчаб кўрадилар.
Билимларини мустаҳкамлаш учун ўйин: “Бозор-бозор”
Болалар уч гуруҳга бўлинадилар.
Биринчи гуруҳ «сотувчилар» бўлади, қолган икки гуруҳ «харидорлар» бўладилар. «Сотувчи» бўлган етти нафар бола қумларни ўз олдиларига тўп қилиб уйиб оладилар. Ўлчов бирлиги сифатида ўйинчоқ пиёла, белкуракча, чўмич, қошиқ ёки челакчалардан фойдаланадилар.
Ўйин қоидаси: Етти нафар бола «сотувчи» сифатида ўз қумларини “ун”, “гуруч”, “туз”, “нўхат”, “ловия”, “мош”, “чой” деб номлаб оладилар.
“Келиб қолинг, унга, бир челаги 100 сўм”
“Келиб қолинг тузга, бир қошиғи 50 сўм” деб «харидорлар»ни чақирадилар.
«Харидорлар» «сотувчи»лардан хоҳлаганининг олдига бориб нарсаларни савдолашади ва қанча олишини айтадилар. «Сотувчилар» улар танлаган нарсани ўлчаб берадилар. «Харидорлар» ўлчов бирлигидаги моддани тўлиқ ўлчанишига эътибор беришлари керак. Яъни идишлар тўла бўлиши зарур. Болалар ўлчовни санаб борадилар.
Болалар ўйнаб бўлганларидан кейин қўлларини ювадилар.


Болалар билимини текшириш ва мустаҳкамлаш учун саволлар:
1. Суюқ жисмларни айтиб беринг.
2. Тўкилувчи жисмларга нималар киради?
3. Суюқ жисмларни нималар билан ўлчаш мумкин?
4. Донларни қандай ўлчов бирлиги билан ўлчаш мумкин?
5. Суюқ жисмларни қандай буюмларда ўлчаш мумкин?
Тарбиячи Фаолият якунида болаларни ширин сўзлар билан рағбатлантиради.


Фазовий тасаввур
Мавзу: Теварак-атрофдаги нарсаларнинг вазиятини аниқлашга доир машқлар
Мақсад:

• 
  Болаларни атрофидаги нарсаларнинг вазиятини аниқлашга ўргатиш.
  

Кутилаётган натижа:

• 
  Атрофдаги нарсаларнинг жойлашиш тартибини аниқлашни ўрганадилар.
  

Керакли жиҳозлар:

• 
  Хона жиҳозлари, ўйинчоқлар
  
• 
  Тетиклаштирувчи машқ учун шартли белгилар