Мактабга тайёрлов гурущида йил давомида ытказиладиган математика маш\улотларининг та=симланиши

Болалар: 20 та.


Билимларни мустаҳкамлаш учун ўйинлар: «Давомини сананг»
Ўйиннинг мақсади: сонларнинг натурал қаторининг тартибига амал қилишга, тўғри санаш машқлари, хотира, диққатни ривожлантиришга ёрдам беради.
Ўйинда коптокдан фойдаланилади. Болалар ярим доира ёки доира бўлиб турадилар. Доиранинг ўртасида ўйинни олиб борувчи туради. Тарбиячи ўйин бошланишидан олдин болалар билан улар тўғри тартибда 1 дан 20 гача санашларини келишиб олади.
1-вариант. Тарбиячи 1 сонини айтиб болалардан бирига коптокни отади. Коптокни илиб олган бола кейинги сонни айтади ва коптокни тарбиячига қайтаради. Тарбиячи кейинги сонни айтади ва 2-болага коптокни отади. 2-бола кейинги сонни айтиб коптокни тарбиячига қайтаради. Шу тарзда 1 дан 20 гача санайдилар.
2-вариант. Болалар коптокни бир-бирларига отадилар ва ҳар бир бола тўғри тартибда битта сонни айтади. Саноқ 20 гача давом этади.
Ўйин тезлик темпида ўтади ва барча болаларнинг унда иштирок этишига имкон бериш учун шунча марта қайтарилади. Болаларга бериладиган топшириқлар уларнинг билим ва малакаларига қараб белгиланади. Масалан: 10 ёки 20 гача тўғри ёки тескари санаш, айтилган сондан олдингиларини ёки кейингиларини айтиш.


«Қочиб кетган сонлар» ўйини.

Ўйиннинг мазмуни: Тарбиячи доскага катагида тушириб қолдирилган сонларни қўйиш учун тайёр жадвалларни навбат билан қўяди. Жадвалларда сонлар 1 дан 20 гача бўлади.

Болалар саноқ тартибига мувофиқ керакли сонни қўйиши керак.
Тарбиячи: Болажонлар, бу ерда ҳар бир сон ўзининг уйчасида яшайди. Эътибор берган бўлсангиз баъзи бир уйчалар бўш. Улардаги сонлар қочиб кетган. Булар қайси сонлар? Ўйлаб кўринг ва қочиб кетган сонларни ўз уйларига қайтаринг.
Болалар сонларни топиб тўғри тартибда қўйиб чиқадилар.


Болалар билимини текшириш ва мустаҳкамлаш учун саволлар:
1. Биз бугун нечагача санашни ўргандик?
2. 15 каттами 20?
3. 14 ва 16 сонларининг орасида қайси сон бор?
4. 16 ва 17 сонларининг ўртасида қайси сон бор?
5. 18 дан олдинги ва кейинги сонни айтинг?
6. 19 дан кейин қайси сон келади?
7. «Давомини сананг» ўйинида қайси сонларни айтингиз?
8. Сонлар жадвалида 1 дан нечагача сонлар ёзилган?

Фаолият якунида барча болаларни рағбатлантириш.