Мактабга тайёрлов гурущида йил давомида ытказиладиган математика маш\улотларининг та=симланиши

Болалар билимини текшириш ва мустаҳкамлаш учун саволлар:
1. Учбурчакнинг қайси бутун, қайси қисм?
2. Бутун каттами, қисм каттами?
3. Тўғри тўртбурчакни қайси қисми катта?
4. Нимага бутун қисмдан катта?
5. Сизнингча мана бу бутун тўртбурчак яна неча қисмга бўлинади?


Фаолият якунида болалар бажарган ижодий ишлар баҳоланади ва болалар рағбатлантирилади.


ФАОЛИЯТ
Фазовий тасаввур
Мавзу: Катак қоғозда кўпбурчаклар чизиш
Мақсад:

• 
  Болаларни катакли дафтар варағида кўпбурчак шаклларини ҳосил қила олиш кўникма ва малакаларини ривожлантириш.
  

Кутилаётган натижалар:
Болалар катакли дафтар варағида кўпбурчак чиза олишни ўрганадилар.
Болаларнинг майда қўл маторикаси ривожланади.
Керакли жиҳозлар:
Катакли дафтар, ручка ёки қалам, бўр.
Фаолиятнинг бориши:
Тарбиячи: Болажонлар, биз олдинги Фаолиятимизда дафтар варағига қандай қилиб турли геометрик шакллар чизишни билиб олган эдик.
Болалар, ручкани қандай ушлаш керак экан? Варақнинг қайси томонидан бошлаб чизамиз? Чизиқ чизишда бизга варағдаги катаклар ёрдам берадими?
Болалар, бугун биз жуда ҳам қизиқарли шаклларни –кўпбурчакларни чизамиз. Кўпбурчак геометрик шакллар ичида томонларининг, бурчакларининг кўплиги билан ажралиб туради. Кўпбурчак чизиш учун биз яна ҳам ақлли, эпчил бўлишимиз керак. Чунки чизиқлар чизиш учун катакларнинг орасидан ўзимиз мустақил тўғри чизиқлар тортишимизга тўғри келади. Бу ишни сизлар албатта уддалайсизлар.
Мен ҳозир сизларга варақда турли кўпбурчакларни қандай чизиш кераклигини тушунтириб бераман. Ручкани ўнг қўлимга ушлайман ва кўпбурчакларни чизаман.


Болалар учун амалий иш.
Тарбиячи болаларга кўпбурчак шаклини ҳавода ҳосил қилдириб кўради. Болалар тарбиячининг топшириғини эшитиб бажарадилар. Тарбиячи болаларга шаклни қаердан бошлаб чизишни кўрсатиб туради, болалар катакларни санаб нуқталар қўяди ва шу нуқталарни бирлаштиради. Болаларнинг ишни мустақил бажаришларига эътибор берилади, ишни охиригача бажаришлари шарт.
Агар бола тўла тушуна олмаса, хатога йўл қўйса унга бироз ёрдам бериш зарур, лекин чизишни ўзи тугатиши керак.