Мактабга тайёрлов гурущида йил давомида ытказиладиган математика маш\улотларининг та=симланиши

О лтита чўпдан олти сонини ҳосил қиламиз- олти

Т ўртта чўпдан етти сонини ҳосил қиламиз- етти


Еттита чўпдан саккиз сонини ҳосил қиламиз- саккиз

Олтита чўпдан тўққиз сонини ҳосил қиламиз- тўққиз

С аккизта чўпдан ўн сонини ҳосил қиламиз- ўн


Болаларнинг иши кузатилади ва ёрдам берилади. Ёзиб бўлганларидан сўнг чўпларни қутиларга солиб қўйилади.

Жисмоний дақиқа.

Болалар бир қатор бўлиб «Поезд» ўйини ҳаракатини бажарадилар: бир-бирларининг тирсакларидан ушлаб қўллар олдинга, орқага ҳаракат қилади ва болалар доира бўлиб юрадилар.


Тарбиячи: Болажонлар, энди ҳаммамиз дафтаримизни очамиз ва ручкамизни бармоқларимиз билан тўғри ушлаб, қаламда ёзилган рақамлар устидан ёзамиз. (Рақамлар 4 ёки 5 тадан ёзилган бўлади).


Болалар билимини текшириш ва мустаҳкамлаш учун саволлар:
1. Бир рақамини ҳосил қилиш учун нечта чўп ишлатдингиз?
2. Чўплар билан ёзганда қайси рақамни осонлик билан ёздингиз?
3. Дафтарга қайси рақамни ёзиш осон экан?
4. Қайси рақамни ёзиш қийин экан?
5. Олти сонини ёзишда нечта чўп ишлатдингиз?


Фаолият якунида болаларни рағбатлантириш.

Геометрик шакллар
Мавзу: Етишмаган шаклни топишга доир мантиқий масалалар ечиш
Мақсад:

• 
  Болаларнинг геометрик шакллар ҳақидаги тасаввурларини кенгайтириш.
  

Кутилаётган натижа:

• 
  Мантиқий фикрлашни ривожлантириш.
  

Керакли жиҳозлар:

• 
  Таққослаш учун кўргазма расм (2 та)
  
• 
  Ҳар бир бола учун расмлар (2 тадан)
  

Фаолиятнинг бориши:
Тарбиячи: Болажонлар, мен доскага 2 та расм қўйиб қўйдим, бу расмлар бир хилга ўхшайди, лекин эътибор бериб қарасингиз 2 хил эканлигини сезасизлар. Келинглар, 1-расм билан 2-расмни таққослаймиз.




Таққослашда диққатимизни расмга қаратиб ҳар бир шаклни 2-расмдан излаймиз. Излаган шаклимиз 2-расмда бўлмаса, биз унинг етишмаган шакл эканлигини билиб оламиз. Тарбиячи стол устига турли шаклларни икки тўплам қўйиб тушунтириши ҳам мумкин.