Мактабга тайёрлов гурущида йил давомида ытказиладиган математика маш\улотларининг та=симланиши

Болалар учун амалий иш.

Болалар олдиларига қўйилган қутичадан 1 дан 10 гача рақам ёзилган 10 та тухум шакли (овал)ни олиб тартиб билан терадилар. Олдин қайси рақамли жўжа кейин қайси рақамли жўжа тухумдан чиқишини айтиб берадилар. Кейин 1 дан 10 гача рақам ёзилган жўжаларни тухумларнинг устига қўйиб чиқадилар.


Билимларни мустаҳкамлаш учун ўйин: Қўшни сонларни кўрсат ва айт.

Тарбиячи 1 дан 10 гача бўлган сонлардан биттасини кўрсатади. Болалар кўрсатилган соннинг қўшниларини кўрсатишлари керак. Масалан: тарбиячи 5 сонини кўрсатса, болалар 4 ва 6 сонини кўрсатишлари керак. Тарбиячи қайси боладан сўраса ўша бола 5 дан олдин ва кейин қайси сонлар келишини айтади.

Болалар билимини текшириш ва мустаҳкамлаш учун саволлар:

1. 
   Акмалжоннинг нечта жўжаси бор экан?
   

2. Дастлаб тухумдан чиққан жўжанинг рақами неча эди?
3. Энг охирида тухумдан чиққан жўжанинг рақами неча эди?
4. 3 сонидан олдинги ва кейинги сонларни айтинг.
5. 5 сонидан олдинги ва кейинги сонларни айтинг.
6. 8 сонидан олдинги ва кейинги сонларни айтинг.


Фаолият якунида болалар рағбатлантирилади.
Мавзу: Кўп бурчакнинг томонлари ва қирралари ўзаро боғлиқлигини тушунтириш
Мақсад:

• 
  Болаларни кўпбурчаклар билан таништиришни давом эттириш.
  

Кутилаётган натижа:

• 
  Болалар кўпбурчакларнинг томонлари ва қирралари ўзаро боғлиқлигини билиб оладилар.
  

Керакли жиҳозлар:

• 
  Бешбурчак, квадрат, учбурчак, тўртбурчак, олтибурчак, саккизбурчак шакллари-1 тадан (каттароқ шаклда)
  

Фаолиятнинг бориши:
Тарбиячи: Болажонлар, кўпбурчаклар ҳақида олдин ҳам гаплашганмиз, бугун ҳам мен сизларга кўпбурчаклар тўғрисида сўзлаб бераман. Математика мамлакатида турли шакллар бор экан. Уларнинг подшоси бешбурчак шакли экан. (Тарбиячи катта бешбурчакни кўрсатади). Унинг ёрдамчиси квадрат шакли экан.



Учбурчак, тўртбурчак, саккизбурчак ва олтибурчак улар билан математика оламини бошқаришар экан.



Мамлакатда ҳаммадан ҳам кўпбурчаклар кўп экан. Улар ҳамма ишларда фаол иштирок этишар экан. Кўпбурчаклар бизнинг ҳаётимизда ҳам катта аҳамиятга эга. Сиз турадиган уйлар ҳам, мана шу кўпбурчакларга қараб чизилган, ҳозир биз ўтирган хона ҳам тўртбурчак шаклида қурилган. Шунинг учун биз кўпбурчакларни яхши билиб олишимиз керак.
Кўпбурчакларнинг нечта бурчаги бўлса, шунча томони ва учи ҳам бўлади. Масалан: учбурчакни кўриб чиқамиз. Учбурчакнинг 3 та бурчаги, 3 та томони ва 3 та учи бор.
Энди бешбурчакни кўриб чиқамиз. Бешбурчакнинг ҳам 5 та бурчаги, 5 та учи ва 5 та томони бор, келинглар биргаликда санаб кўрамиз. Тарбиячи болалар билан биргаликда ҳамма кўпбурчакларни худди шундай қилиб бурчаги, учи ва томонларини санаб чиқадилар.