Maktabda o`qitish metodikasi o`zgarmasa ta`lim sifati ham, Mazmuni ham, muhiti ham o`zgarmaydi. Shavkat Mirziyoyev

Toshkent viloyati Parkent tumani 17-umumiy o`rta maktabning boshlang`ich sinf o`qituvchisi Umarova Nilufarning matematika fanidan interfaol ta`lim metodlaridan foydalanish bo`yicha

Tavsiyasi

Maktabda o`qitish metodikasi o`zgarmasa ta`lim sifati ham,

Mazmuni ham, muhiti ham o`zgarmaydi.

Shavkat Mirziyoyev

Bugungi ta`lim tizimiga shiddat bilan kirib kelayotgan innovatsiyalar, pedagogik texnologiyalar, interfaol metodlarning ta`lim beruvchi tomonidan o`zlashtirilib va qo`llab borilishi, o`qituvchining o`z ustida tinimsiz izlanishini talab qiladi. O`qituvchi dars jarayonida o`z o`quvchilarining fabga ijodkorlik nuqtai Nazari bilan qarashlarini tashkil qilish, ularda izlanuvchanlik xususiyatlarini shakillantirishi va albata zamonaviy pedagogic texnologiyalar va metodlardan foydalangan holda darsni tashkil etish kerak bo`ladi.

Hozirgi kunda inovatsion texnologiyalar interfaol metodlarning bir necha turlari tarqalgan bo`lib ta`lim jarayonida bitta metod turli yo`llar bilan qo`llanib kelmoqda. Shuningdek matematika darslarida klister, zinama – zina, “Venn diogrammasi” , “kichik guruhlarda ishlash metodi”, “o`z – o`rningni top” metodlaridan foydalansak bo`ladi. Bu jarayonda guruh o`quvchilari o`zaro faol bir – birlarini javoblarini to`ldiradilar.

I – bosqich

“Zinama – zina” texnalogiyasini yangi mavzuni mustahkamlash amalga oshiraman.

Menman zinama – zina

Topshiriqlarim sina

Pastdan tepaga sana

Topshiriqlarim yechib

Marraga kelgin yetib

“Zinama – zina” texnologiyasini amalga oshirish

Texnologiyaning tavsifi. Ushbu ma`lumot o`quvchilarni o`tilgan yoki o`tilishi kerak bo`lgan mavzu bo`yicha yakka va kichik jamoa bo`lib fikirlash hamda xotirlash, o`zlashtirilgan bilimlarni yodga tushirib, to`plangan fikrlarni umumlashtira olish va ularni yozma, rasm, chizma ko`rinishida ifodalay olishga o`rgatadi. Bu texnologiya o`quvchilar bilan bir guruh ichida yakka holda yoki guruhlarga ajratilgan holda yozma ravishda o`tkaziladi o`tkaziladi va taqdimot qilinadi.

Texnalogiyaning maqsadi. O`quvchilarni erkin, mustaqil va mantiqiy fikrlash, jamoa bo`lib ishlashga, izlanishga, fikrlarni jamlab ulardan nazariy va amaliy tushuncha hosil qilishga, jamoaga o`z fikri bilan ta`sir eta olishga, uni ma`qullashga, shuningdek, mavzuning tayanch tushunchalarga izoh berishda egallagan bilimlarini qo`llay olishga o`rgatish.