Ajdodlar xotirasi muqaddas



Download 73.5 Kb.
Sana19.01.2017
Hajmi73.5 Kb.
Ajdodlar xotirasi muqaddas”
(9- may- G`alaba va xotirlash kuniga bag`ishlangan tadbir senariysi).

Maqsad: 9-may G`alaba va xotirlash kuni,Ulug` Vatan urushi ,qatag`onlik yillari qurbonlarimizni xotirlash haqida tushuncha berish;


b) Farzandlarimizni vatanparvar,mard,jasur bo`lishga chaqirish,Ulug` Vatan urushi qatnashchilari,qatag`onlik yillari qurbonlarini xotirlashga chorlash.
Tadbir o`tkaziladigan xona xotira kuniga mos holda bezatilgan.Xonaga Ikkinchi jahon urushida halok bo`lganlar,qatag`onlik yillari qurbonlari xotirasini,yoshi ulug` otaxonlar-u onaxonlarning keksalik gashtini surayotganligini ifodalovchi suratlar osilgan.Ular orasida prezidentimizning yoshlar bilan tushgan surati ham ko`zga tashlanib turibdi.
Yigit:

Do`stim, bir lahza sukut saqlaylik ,

Baxtimiz qurboni bo`lganlar haqqi,

Nomlarin yo`d etib,bir-bir yo`qlaylik ,

Xalqim deb,yurtim deb o`tganlar haqqi.

Qiz:

Kel,do`stim bir lahza quloq beraylik ,

Tinglaylik mardlarning yurak sasini.

Mangulik bog`idan gullar beraylik ,

Qalblarga yozaylik xotirasini .

Yigit:

Ular yosh edilar , hayotga tashna ,

To`yib ham totmagan sevgi otashin ,

Umid g`unchalari barg yozmay yashnab ,

Abadiy qo`yganlar tuproqqa boshin.

Qiz:

Ota edi –ular oilaga bosh ,

Faxrlanib eslar o`g`il-qizlari ,

Nogahon ko`zlardan sizib chiqar yosh ,

Urush solgan dardning bitmas izlari.
Yigit :

Fidolar qabrida kezaman beun,

Mayus bir kuy chalar qalbim torlari. ...

Alvon chechaklarga burkanib bu kun,

Bunda yotar baxtim ijodkorlari.

Qiz:

Kel,do`stim,bir lahza sukut saqlaylik,

Shu qutluq dargohni qilaylik tavof.

Vatan ishonchini dildan oqlaylik,

El-u yurt chekmasin sira iztirob.

Birgalikda:

Kel,do`stim, bir lahza sukut saqlaylik.



(oraga bir lahza jimlik cho`kadi).

(O`quvchilar ohista yurib , safga kelib qo`shiladilar).
1-o`quvchi:

Assalomu –alaykum, hurmatli tadbir ishtirokchilari !Aziz va muhtaram mehmonlar!

9-may Xotira va qadrlash kuni munosabati bilan o`tkazilayotgan tadbirimizga xush kelibsiz!
Xotira o`zlikni anglash , o`tmishni doim yodda tutishga bot-bot da`vat etib turadigan muqaddas tuyg`udir.Inson o`zligini ana shu xotira va qadr tuyg`usi orqali chuqurroq anglaydi.
2- o`quvchi :
Inson,xalq,millat tarixiy xotira bilan tirik, barhayotdir.Ayniqsa, o`tganlarning xayrli ishlarini yodga olmoq, qadrlamoq biz uchun ham farz,ham qarzdir
3- o`quvchi :
9-may ilgarilari Ikkinchi jahon urushida qozonilgan g`alaba sharafiga “G`laba kuni”sifatida nishonlanar edi.Mustaqillik yillarida bu bayram yurtboshimiz sharofati bilan “Xotira va qadrlash kuni” deb e`lon qilindi.
4- o`quvchi :
Biz millat, Vatan,istiqlol kabi so`zlarni hurmat bilan tilga olamiz.Ana shu tushuncha haqida so`z yuritganda ,fikrimizni beixtiyor xotira tuyg`usi band etadi.Inson xotirasi- muqaddas .Shuning uchun ham biz ajdodlarimizni esga olib, ezgu ishlarini yod etamiz .Agar xotira susaysa yoki yo`qolsa , ajdodlar bilan avlodlar o`rtasida uzilish yuz bersa , millat tanazzulga yuz turar ekan.
5- o`quvchi :
Muqaddas sanalgan tushunchalar aslida xotira bilan tirik .U nafaqat o`tmishni unutmaslik ,balki bugungi kunni va kelajakni yorqin tassavur etish ham demakdir .

Xotira insonni kelajakka teran ko`z bilan qarashga o`rgatadi.


6- o`quvchi :
Qadrlash esa oilamiz ustuni bo`lgan xonadonlarimizga fayz-u baraka bag`ishlab ,ishlarimizga oq fotiha tilab turgan nuroniylarimizning hurmatini joyiga qo`yishdir .Qolaversa,insonlarning bir-birlarini qadrlab yurishlari zamirida ham ulug` hikmat yashirin.
Yigit:_Qadamlar,_Qadamlar,_Og`ir_qadamlar,_Etiklar_zarbidan_titragan_tuproq,_Qaerga_ketmoqda_shuncha_odamlar_Qiz'>Yigit:

Butun insoniyat la`natlagan urush xotiralari ,tinchlikning naqadar aziz ne`mat ekanligi , uni ko`zqorqchig`iday asrash lozimligini doimo eslatib turadi.

Nafaqat 45-yillar , balki qatag`on yillaridagi vahshiyliklar ham odamlarni tinchlik uchun bong urushga da`vat etadi.
Qiz:
1937-1939-yillar Qatag`onning qora kunlari O`zbekistonda o`sha yillari manbalarda qayd etilishicha,43 mingdan ziyod kishi qamoqqa olindi.Ularning 6 ming 920nafari esa otib tashlandi.37ming nafari esa qamoq va surgunga mahkum etildi.
Endi qatag`on yillari hayotini aks ettiruvchi sahna ko`rinishini e`tiboringizga havola etamiz.
(Muhammad Yusuf qalamiga mansub,,Qora quyosh,,asari asosida tayyorlangan kichik sahna ko`rinishi namoyish etiladi.Sahnada Abdulla Qodiriy,Tergovchi va boshlovchilar chiqadi).
Boshlovchi: Mana ,Qodiriyni qilishar so`roq:
Tergovchi (g`azabga to`lib):

- “O`tgan kunlar” degan she`r siznikimi?

Qodiriy: Ha,ammo u she`r emas...

Tergovchi:Jim bo`ling,axir she`rmi yo boshqami ,avtori siz-da!

Boshlovchi:Tamom.

Boshqa gapga qolmaydi hojat.

Tergovchi – payg`ambar ,

Tergovchi – Xudo.

Temir zotdan kelgan buyruq-ijozat.

O`zbek yana bitta o`gilidan judo.

(Xazin kuy yangraydi.Sahnaga o`quvchilar chiqishadi).
1-o`quvchi :
Tushimga kiradi Qodiriy bobom , Bemador,bemajol,beorom,behol.

Egniga eski bir to`n kiyib olgan,

Shneldir-u,balki birovdan qolgan.

O`sha to`n egnida,paxol ham borday,

Bobomning yuzlari oqargan qorday.

Yo`q,yuzi somonga o`xshaydi uning,

Charaqlab turguvchi ko`zi to`la mung.
2- o`quvchi :
Rutubatli shimol o`rmonlarida,.

Qayinlar ho`ngrab quyoshni uyg`otar.

Qarang,Cho`lponingiz so`nggi makonda,

Beqasam to`nini yopinib yotar.



3- o`quvchi :

Yotar alpqomatli bahodirlar qator,

Usmonlar,

Qodiriylar,

Shokirlar qator

Yotar Fayzullolar,

Yotar Ahmadlar,

Xudo rahmat qilgur, xudo rahmatlar...



4- o`quvchi :
Ularning sanog`i yulduzdan ham ko`p,

Yurtim,dilbandingiz har giyoh,har cho`p,

Fidolaring bo`lgan farzandlaringiz

Nomdor-u nomsizin hoki poyin o`p.


1-boshlovchi:
Istiqlol fidoyilaridan Abdullo Qodiriy, Abdulhamid Cho`lpon, Abdurauf Fitrat, Usmon Nosir, Behbudiy,Botu , Elbeklarning aziz va tabarruk nomlari yana qaytadan tiklandi.

2-boshlovchi:
Yunusobodda, Bo`zsuv bo`yida , mash`um qatag`on yillari shahidlar qabristoniga aylantirilgan maydonda yodgorlik majmuyi va muzey barpo etilishi ham qatag`on qurbonlarining nomlarini abadiylashtirishda eng savobli ish bo`ldi,deya olamiz.Asosiysi ,yurtboshimizning 2001-yil 1-maydagi farmoniga ko`ra ,31-avgust- ,,Qatag`on qurbonlarini yod etish kuni” deb e`lon qilinishi ham ularga bo`lgan cheksiz hurmat natijasidir.
(O`quvchilar,,Mardona” qo`shg`ini ijro etadilar)

Musiqa davom etadi.Sahna qarong`isida orqaroqda yosh bola go`yo gul terib yuribdi.Boladan salgina nariroqda yosh ona o`tiribdi.Bola gulni onasiga tutadi.Shu payt portlash ovozi eshitiladi .Shu vaqtning o`zida radio karnaydan suxandon ovozi ehitiladi:

Diqqat! Diqqat! Diqqat! Moskvadan gapiramiz .Bugun 1941-yil 22- iyun kuni Gitler Germaniyasi vatanimizga urush e`lon qilmasdan turib,xiyonatkorona hujum boshladi.Hamma vatan mudoafasiga
Musiqa avjiga chiqadi.Bolaning qo`lidagi gullar sochilib ketadi.Ona bolani bag`riga bosadi.U oldinga intiladi.1941-yil deb yozilgan plakatni bir bola ko`tarib o`tadi.Harbiycha kiyingan odamlarning oh-voh , faryod chekib ,yig`i-sig`i bilan urushga jo`natilishi namoyish etiladi.
Yigit:
Qadamlar,

Qadamlar,

Og`ir qadamlar,

Etiklar zarbidan titragan tuproq,

Qaerga ketmoqda shuncha odamlar?
Qiz:Urushga !!!

Yigit: Urushga!

Qiz:Ha .

Yigit: Nahotki,odamlar urush uchun tug`ilgan bo`lsalar?

Qiz:Ular Vatan himoyasiga otlandilar.Ularga g`alaba yor bo`lsin!

Yigit:1941-yil 4-iyun.Berlin.Gitler nemis xalqidan boshqa xalqlarni qirib tashlashni buyurdi.

Qiz:1941-yil sentabr. Nemislar Moskva ostonasiga yaqinlashib qoldilar,sharoit juda qiyin bo`lishiga qaramay ,barcha bir tan-u bir jon bo`lib ,vatanni fashistlarga bermaslikka harakat qiladi.

Yigit:Mana shunday og`ir paytda ,hukumat har bir kishini vatan himoyasiga chaqirdi.Hamma vatan himoyasiga otlandi.Biroq qurbonlar ko`p bo`ldi.Ular vatan ozodligi-yu,go`daklar tabassumi , onalar oromi uchun jonlarini fido etdilar.

Qiz: Ha ,minglab kishilarning nasibalari hayotdan erta uzildi.Ular ham yashashga tashna edilar.

Yigit:1943-yil Xatin (Magnitafondan portlash,faryod,o`q ovozi eshitiladi).

Qiz: Bombalar yog`ildi,

Qaltirar fazo,

Qurbon,qurbon,qurbon qancha?

-Xatin qani ?

-Yo`q,Xatin.

Yigit:Xatin Belorusiya hududida joylashgan oddiy bir qishloq .Bu qishloq o`rmon ichida joylashgan.Unda aholi tinch-totuv yashar edi.

Qiz: To`rt soat davom etgan jangdan so`ng,Xatin butunlay kultepaga aylandi.Fashistlar oddiy,begunoh aholini chumolini qirganday qirib tashladi.

Yigit: Paptizanlar yashiringan joyni bilib olish uchun fashistlar har bir odamni ming bir xil qiynoq bilan so`roq qildilar.Ular hech bir go`dak ,ayol va keksalarni ayamadilar.Fashistlar odamlarni uylariga qamab,butun qishloq aholisini tiriklayin yoqib yubordilar .Fashistlar Belorusiyadagi 64000 ta qishloqni xuddi Xatinday odamlari bilan birga yoqib yuborishgan .Hozirgi kunda Xatin qishlog`i muzeyga aylantirilgan.U yerga ziyoratga borgan ko`pgina yoshlar tinchlik uchun kurashishga ahd qilib qaytadilar.

Qiz: Fashistlar qilgan vahshiyliklarni bir umr aytib ado etolmaymiz.Ular,ayniqsa,keksalarni,bolalarni juda qiynashgan.Ularni poyezdda Germaniyaga olib ketib,tiriklayin pechlarda yoqib yuborishgan.Bularni unitib bo`ladimi ?!Hech qachon unitib bo`lmaydi!

Siz Buxenval`d haqida eshitganmisiz?Yo`q deysizmi? bo`lmasa,tinglang.



1-o`quvchi:

Vaymar yonidadir mash`um Buxenval`d.

Bir vaqtlar oromgoh bo`lgan bu xilvat,

Bir vaqtlar Gyotega baxsh etgan ilhom,

San`at-u muzalar barq urgan ehrom,

Ajal koshonasi bo`lib ishladi,

Yondi XX asr kishilari!

2-o`quvchi:

Panjara eshikdan qo`yaman qadam.

Junjikib ketadi dahshatdan badan,

Mudhish manzaralar ko`zni qiradi.

Dilga titroq solar olam xilqati.

Bu-odam terisi ,odam sochi – bu!

Go`dak kulgisini yoqqan pech- bu!

3- o`quvchi:

To`xta ,bir nafasga idrok et buni,

Bu tarix emasdir,balo quyuni.

Boqaman,qon-u yosh oqqan tuproqqa,

Marhumlar faryodi urar quloqqa.

Tosh qotgan umidlar,payhon orzular,

Qalbim daftariga qon-la yozilar.
4-o`quvchi:
Yo`q !Ularga yig`lash bugun hojatmas,

Faqat ruhlarini yodda tutsak bas .

Ular tiriklarni ,tinlaydi,ammo.

Yer uzra esmasin deydilar vabo.

Aqlga g`aflatni yo`latmangiz hech,

Shunda ,birodarlar,biz uxlaymiz tinch.


5-o`quvchi:
Qaydadir uchchiydi fashist vorisi,

Buxenval`dlar emish- malham dorisi,

Vahm-u sarosima ichra kechalar,

Ular tuzishadi qabih rejalar.

Do`zax yaratishib o`ng-u so`lida ,

Goh Abu Zaabalda,goho Songmida .



6-o`quvchi:
Ogoh bo`ling!- deydi Buxenval`d bongi,

Xazin nola kabi yangrab ohangi,

V`etnam yerida kezar bir sharpa ,

Qoldirdi qonli iz ,kul tepe-tepa.

Hayot quvonchidan bahramand damlar,

Bularni unutmang,aziz odamlar!


Yigit: Lelingrad –Sankt-Peterburg shahrini siz juda yaxshi bilasiz.Bu shahar 200 kundan ortiqroq qamalni o`z boshidan kechirdi, lekin o`z irodasini bukmadi.Gitler Sankt-Peterburg ochlikka chiday olmay ,taslim bo`ladi deb xayol qiladi.

Qiz: 1943- yil Sankt-Peterburg qamalni yorib chiqadi. Sankt-Peterburgliklar azob va qiyinchiliklarga sabr va matonat bilan bardosh berdilar.

Sankt-Peterburgda Piskaryov qabristoni bor.Bu qabristonga Ulug` Vatan urushi qatnashchilari bo`lgan O`zbekiston farzandlari ham ko`milgan.Bu qabriston “Qardoshlik qabristoni” ham deb ataladi.



Yigit:

Qabrlar yotibdi qalashib ,

Va bunda sokinlik hukmron.

O, ruhlar yotibdi adashib,

Bu g`amgin maydonda ko`p giryon.
1-o`quvchi:

Biz ham edik go`zal jussadir,

Qalbimizda yonar edi cho`g`.

Hayotimiz edi shu`lador.

Niyatimiz ezgu va ulug`.


2-o`quvchi:
Biz ham edik baqquvat,mag`rur,

Shahar aro kezardik quvnoq.

Dala-qirni bezaganda gul,

Yashash zavqi o`rtardi porloq.



3-o`quvchi:
Nomard fashist qilganda hamla ,

Shahrimizni asradik mahkam.

Bag`rimizni ochlik tilganda,

Yelkadoshlar bo`lishdi malham.


Hamma:
Shod etmoqqa ruhimizni,oh,

Ziyoratda keldi qadamlar .

Qalbingizga albat qiling jo,

Urushga yo`l qo`ymang,odamlar!


Qiz:

Ulug` vatan urushi davrida Karim Sultonov,Qudrat Suyunov.Sobir Rahimov singari o`zbek o`g`lonlari mislsiz qahramonlik ko`rsatib,Vatanning eng oliy unvoniga sazavor bo`lganlar.Ular ona Vatanimiz uchun jonlarini fido qilganlar.


Yigit:

1945-yil 9-may .Xuddi shu kuni Ulug` Vatan urushi bizning g`alabamiz bilan yakunlandi.


(Kompyuter orqali g`alaba nashidasi tasvirlangan voqealar ekranga tushiriladi.)

Musiqa sadosi yangraydi,qizchaga pochtalon xat berib ketadi.U uzoqlarga termilib o`tirgan onasiga xatni keltirib beradi.Ona xursand bo`lib ,xatni o`qib boshlaydi.Ona xatni o`qib bo`lgach, faryod chekadi,sahnadan chiqib ketadi.

Ayrim askarlar harbiy kiyimda,qo`ltiq tayoqda urushdan qaytadilar.Onalar,keksalar-u bolalar,yosh kelinlar xursand bo`lib,ularni gullar bilan kutib oladi.



Yigit:

Urush g`alaba bilan tugadi-yu,uning jarohati hamon qalbimiz yarasiga aylanib qolmoqda.



Qiz:

Urush natijasida ne-ne shaharlarimiz yonib kul bo`ldi.



Yigit:

Ne-ne o`g`il qizlarimiz zolimlarga qul bo`ldilar.



Qiz:Dorga osilganlar-u ,pechkada tiriklayin kuydirilganlar,esda tursin!
Yigit: Ko`ziga cho`g` bosilganlar,esda, xotirada tursin!
Qiz:Quloqlariga qo`g`shin quyilganlar esda tursin!
Yigit: Beomon so`yilganlar esda tursin!

Hamma: Hech kim! Hech narsa! Hech qachon unutilmaydi!



Qiz:

Qariyib 4 yil davom etgan Ikkinchi jahon urushi insoniyat boshiga juda ko`p kulfatlar soldi.Urush yillari 1,5 million yurtdoshimiz shiddatli janglarda ishtirok etdi.450 mingdan ziyod mard yigitlar tinchlik, osuda turmush uchun bo`lgan qonli janglarda halok bo`ldilar.Urushda yetim qolgan 200 mingdan ortiq bolani o`zbek xalqi o`z tarbiyasiga oldi.Toshkentlik Shoahmad Shomahmudov va Bahriniso opalar oilasi 14 nafar,Hamid Samatovlar oilasi esa 13 nafar,samarqandlik Fotima Qosimovalar oilasi esa 10 nafar yetim bolani o`z qaramog`iga olib,bor mehrini,qalb qo`rini berib,ularni voyaga yetkazdilar.


Yigit:

Bu fidoyi insonlar xotirasiga Toshkent shahrining “Xalqlar do`stligi “maydonida yodgorlik majmuyi ham o`rnatildiki,u bizlarni har doim tinchlikning qadriga yetishga,yurtimizga,millatimizga munosib farzand bo`lishga undaydi.

(“Hazrati inson” asari asosida kichik sahna ko`rinishi ko`rsatiladi).
1-o`quvchi:

“Xotira muqaddas qadriyatdir”,-deyishadi ko`pni ko`rganlar.O`tganlarning xotirasi aziz bo`lib,ularni eslab , ziyorat qilish ota- bobolardan qolgan ,ularning qon-qoniga singib ketgan eng yaxshi odatlardan biridir.Ikkinchi jahon urushida halok bo`lganlar xotirasiga atab mamlakatimizning turli burchaklarida ularga bo`lgan chuqur ehtiromning ramzi sifatida yodgorliklar o`rnatildi.Bu kuni “Motamsaro Ona“haykali yonidagi“Xotira xiyoboni”dan ziyorat qiluvchilarning qadami uzilmaydi.


2-o`quvchi :

Frontdan omon qaytgan va front orqasida o`z mehnatlari bilan g`alabaga hissa qo`shgan yurtdoshlarimiz,urush faxriylari bu kun e`zozda. Shunday baxtli, saodatli kunlarda yashash nasib etgani uchun ham biz ular bilan faxrlanamiz .


3-o`quvchi:

Har birimiz keksa ota –onalarimiz ,bobo-buvilarimizning issiq –sovug`idan xabardor bo`lib turaylik.Ulardan mehr- muruvvatimizni ayamaylik.


4-o`quvchi:

Har birimiz shu aziz Vatanimizni avaylab- asraylik. Kelajagi buyuk Vatanning munosib egalari bo`laylik.Uning sarhadlarida hech qachon o`q ovozi eshitilmasin.


(O`quvchilar ijrosida “Tinchlik” qo`shig`i tinglanadi).

Qiz:

Endi Ulug` Vatan urushi qatnashchilaridan urush haqidagi xotiralarini tinglasak .(Ularning xotiralari tinglanadi).



Yigit:

Aziz o`quvchilar ,qadrli mehmonlar!Bugun biz xotira va qadrlash kuni munosabati bilan o`tkazilgan tadbirda ishtirok etdik va xotiralar ummonida olis-olislarga ,tariximizning o`chmas sahifalariga birozgina bo`lsa-da ,nazar tashladik.Shu munavvar kunlarning bizga naqadar azizligini o`sha muqaddas xotiralar yana bir bor eslatdi.Tinchlikni,ona zaminni asrash lozimligini yodga soldi.



Qiz:

Shu musaffo osmon ,shu yoriq kunlar haqqi-hurmati,tinchligimiz barqaror bo`lsin!

Ozod va obod Vatanimiz kundan-kunga gullab yashnasin.Barchalarimizga baxt-saodat doim yor bo`lsin!

Qiz:

Qalblardan o`chmagay o`tganlar yodi,

Onalar ko`z yoshi,achchiq faryodi.

Ko`kda so`nmas yulduz bo`lib nur sochar,

El-yurtga baxshida mardlar hayoti.

Yigit:

Xotira muqaddas, xotira aziz,

Yaxshilarni eslash naqadar laziz!

To olamda mehr-oqibat bordir,



Chin insonlar nomi o`chmagay hargiz!
Katalog: attachments -> article
article -> Axloqning kеlib chiqishi, unda ixtiyor erkinligining ahamiyati va axloq tuzilmasi
article -> Podsho Rossiyasi tomonidan O‘rta Osiyoning bosib olinishi sabablari va bosqichlari
article -> Siyosiy mafkuralarning asosiy ko'rinishlari
article -> Mehnat sohasida ijtimoiy kafolatlar tizimi. Reja: Ijtimoiy himoya qilish tushunchasi va uning asosiy yo’nalishlari
article -> Siyosiy madaniyat va siyosiy mafkuralar Reja
article -> O’zbek Adabiyoti tarixi: Eng qadimgi adabiy yodgorliklar
article -> Ma’naviyatning tarkibiy qismlari, ularning o’zaro munosabatlari va rivojlanish xususiyatlari. Ma’naviyat, iqtisodiyot va ularning o’zaro bog’liqligi
article -> Davlatning tuzilishi
article -> Reja: Geografik o‘rni va chegeralari
article -> Yer resurslaridan foydalanish va ularni muhofaza qilish Reja: Tuproq, uning tabiat va odam hayotidagi ahamiyati. Dunyo yer resurslari va ulardan foydalanish

Download 73.5 Kb.

Do'stlaringiz bilan baham:




Ma'lumotlar bazasi mualliflik huquqi bilan himoyalangan ©hozir.org 2020
ma'muriyatiga murojaat qiling

    Bosh sahifa
davlat universiteti
ta’lim vazirligi
O’zbekiston respublikasi
maxsus ta’lim
zbekiston respublikasi
o’rta maxsus
davlat pedagogika
axborot texnologiyalari
nomidagi toshkent
pedagogika instituti
texnologiyalari universiteti
navoiy nomidagi
samarqand davlat
guruh talabasi
ta’limi vazirligi
nomidagi samarqand
toshkent axborot
toshkent davlat
haqida tushuncha
Darsning maqsadi
xorazmiy nomidagi
Toshkent davlat
vazirligi toshkent
tashkil etish
Alisher navoiy
Ўзбекистон республикаси
rivojlantirish vazirligi
matematika fakulteti
pedagogika universiteti
таълим вазирлиги
sinflar uchun
Nizomiy nomidagi
tibbiyot akademiyasi
maxsus ta'lim
ta'lim vazirligi
махсус таълим
bilan ishlash
o’rta ta’lim
fanlar fakulteti
Referat mavzu
Navoiy davlat
umumiy o’rta
haqida umumiy
Buxoro davlat
fanining predmeti
fizika matematika
universiteti fizika
malakasini oshirish
kommunikatsiyalarini rivojlantirish
davlat sharqshunoslik
jizzax davlat