Мактаб раҳбарларининг молиявий ва ҳуқуқий саводхонлиги

16-§. УМУМТАЪЛИМ МАКТАБИ ТАРБИЯВИЙ ИШЛАР БЎЙИЧА КАТТА ЕТАКЧИСИ ЛАВОЗИМИНИНГ МАЛАКА ТАВСИФЛАРИ

Тартиб рақами	893
Касбларнинг миллий стандарт классификатори бўйича коди	3340
Ходимлар тоифаси	Мутахассис

Лавозим вазифалари:
а) ўқувчиларнинг синфдан ва мактабдан ташқари машғулотларини ўтказиш, таътил кунларида экскурсиялар, маънавий-маданий ёдгорликларимизни томоша қилиш учун сафарлар, музейларга саёҳатлар ташкил қилиш;
б) ўқувчиларда Ватанга, миллий анъаналар ва халқимизнинг урф-одатлари, ананаларига ҳурмат, садоқат ва буюк олимлар маданият ва санъат арбоблари ҳамда спорт усталари билан фахрланиш рўхида тарбиялаш;
в) мактаб тарбиявий ишлари режасига мувофиқ ўқитувчилар, жумладан синф раҳбарлари, тарбиячилар ва бошқа педагог ходимлар билан биргаликда ғоявий-ахлоқий тарбия, спорт-оммавий ва маданий тадбирлар бўйича ишларни амалга оширишда иштирок этиш;
г) ўз вазифаларини бажаришда “Камолот” ёшлар ижтимоий ҳаракати, маданият марказлари, кинотеатрлар, музейлар, истироҳат боғлари, спорт иншоотлари, секциялар, маҳалла комитетлари, “Маҳалла”, “Соғлом авлод учун” жамғармалари ва бошқа мактабдан ташқари муассасалар ходимлари билан ҳамкорлик қилиш;
д) таълим муассасаси фаолиятига қўйилган санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш;
е) ичимлик суви билан таъминлаш ва болалар учун қўйилган санитария-гигиена талабларига риоя қилиш.
Билиши лозим:
а) Ўзбекистон Республикасининг “Таълим тўғрисида”ги, “Кадрлар тайёрлаш миллий дастури тўғрисида”ги қонунларини ва болалар ҳуқуқларини тартибга солувчи қонун ҳужжатларини;
б) ҳукуматнинг тегишли қарорлари ва фармойишлари, Халқ таълими вазирлиги томонидан чиқарилган норматив-ҳуқуқий ҳужжатларини;
в) мактабдан ташқари таълимга қўйилган давлат талабларининг мазмунини;
г) тарбиявий ишлар концепциясини, ўқитиш методларини, гигиена, педагогика, психологияни;
д) мактабдан ташқари муассасалар, жамоат ташкилотлари билан ҳамкорликни ривожлантириш йўналишларини,
е) меҳнатни муҳофаза қилиш қоидаларини, техника ва ёнғин хавфсизлигини қоидаларига риоя қилишни;
Малака талаблари:
а) камида ўрта махсус педагогика маълумот;
б) амалий иш стажи талаб қилинмайди.
в) камида беш йиллик иш стажи.