Maktab o’quvchilariga metalmaslar mavzusini interfaol usullar orqaliy o’qitish” Mutaxassislik

Mavzuning dolzarbligi. Kimyo fanidagi nazariy bilimlarni mustahkamlashda amaliy mashg‘ulotlari juda muhimdir. Amaliy mashg‘ulotlari har bir sinf uchun dars mashg‘ulotlaridan kelib chiqqan xolda olib boriladi. Bunday mashg‘ulotlarning oliy ta’lim, akademik litsey va kasb hunar kollejlari uchun maxsus asbob-uskunalar yordamida, mavzuni chuqurlashtirilgan holda olib borish maqsadga muvofiqdir. Ayrim mavzularni nazariy tushuntirish mushkullik tug‘diradi. Bunday holatda o‘quv jarayoniga zamonaviy kompyuter texnologiyalarini joriy qilish muofiqdir. Buning natijasida o‘quvchilar fikrlashining mustaqil shakllanishiga, shahs sifatida ijodiy rivojlanishiga olib keladi. O‘quvchilarning bu tarzda o‘qitilishidan o‘quvchilarning ayrim manbalarni mustaqil tarzda egallashi va albatta laboratoriya mashg‘ulotlarini bajarish ko‘nikmalari bilan birga o‘ziga ishonchini yanada orttiradi. Ayrim jahon adabityotlarida talaba va o‘quvchilarning kimyo fanining bilim, ko‘nikmalarini egallashi borasida qiyinchiliklar mavjudligi keltiriladi. Buning sababi sifatida mavzuga mos amaliy mashg‘ulotlari va ularni bajarish ko‘nikmalarining etishmasligi bilan izohlashgan. Amaliy mashg‘ulotlarini bajarish qoidalari bilan bog‘liq muammolar, o‘quvchilarning o‘ziga ishonchining etishmasligi, dars vaqtidagi laboratoriya mashg‘ulotlarini bajarish vaqtining cheklanganligi, tajribalarni yuqori aniqlik darajada olib borish bu boradagi hal qilinishi zarur bo‘lgan jihatlardir. Kimyo fanini o‘qitishda nazariy mashg‘ulotlar va amaliy tajribalar bir-biri bilan chambarchas bog‘liqdir. Bunday vaziyatda bir qancha chet el kimyogar pedagoglari kimyo fanini o‘qutishda virtual laboratoriyani darslarga jalb qilingan holda tajribalar olib borishgan. Virtual laboratoriyada bajarish mumkin bo‘lgan tajribalar huddi kimyo laboratoriya mashg‘ulotlari xonasida bajargandek bajarishni taminlaydi. Mashg‘ulotlarni bajarish ketma-ketligi qat’iy qonun qoidalar asosida ketma-ketlikda bajarishni va nazariy bilimlarni mustahkamlash vazifasini bajaradi. Virtual laboratorida tajribalarni bir qancha bajarib ko‘rish bilan birga har bir takroriy bajarish davrida mashg‘ulotning mohiyatini yanada chuqurroq anglashga undaydi.Bundan tashqari mashg‘ulot uchun zarur moddalarni tejaladi.Tadqiqot yuqorida aytib o’tilgan masalalarning ijobiy yechimi ustida tegishli izlanishlar olib borish va ularning natijalari bilan bevosita bog’langan. Tadqiqotning mavzusi va mazmuni Respublikada olib borilayotgan ilmiy tadqiqotlarning ustuvor yo’nalishlariga mos keladi.