Maktab o`quv ishlari bo`yicha direktor o`rinbosari: Ganjayeva Z

Dars turi: Aralash.

Darsda qo’llaniladigan metodlar: Savol – javob metodi.

Darsda foydalaniladigan jihozlar: Rasm, darslik, bo’r.

№	Dars taqsimoti	Daqiqa
1	Darsni tashkil qilish jarayoni	2 daqiqa
2	O`tilgan va uyga berilgan mavzuni so`rash, takrorlash jarayoni	10 daqiqa
3	Yangi mavzu mazmunini tushuntirish jarayoni	20 daqiqa
4	Yangi mavzuni mustahkamlash, amaliy va mustaqil ishlar bajarish jarayoni	8 daqiqa
5	Darsga yakun yasash, baholash metodlari	3 daqiqa
6	Uyga vazifa berish	2 daqiqa
	Jami:	45 daqiqa

D A R S N I N G B O R I S H I:

I bosqich: Darsni tashkil qilish jarayoni:

a)O`quvchilar bilan salomlashish.

b)Sinf xonasining darsga tayyorligini kuzatish.

s)O`quvchilar davomatini aniqlash.

II bosqich: O`tilgan va uyga berilgan mavzuni so`rash, takrorlash jarayoni:

Uyga berilgan vazifa savol - javob orqali aniqlanadi:

1.Fuqarolik nima? Insoniyat tarixida fuqarolik instituti hamma vaqt mavjud bo`lganmi?

2.Fuqarolar huquqlarini ro`yobga chiqarish uchun zarur shart - sharoitlarni kim ta`minlashi lozim?

3.Fuqaro va davlat o`rtasida qanday o`zaro bog`liqlik vujudga keladi?

III bosqich: Yangi mavzu mazmunini tushuntirish jarayoni:

Shaxs huquq va erkinliklari - kishilik sivilizatsiyasining mushtarak yutug`idir. “Yuksak ma`naviyat - yengilmas kuch” asarida Prezidentimiz Islom Karimov ma`naviy jihatdan boy, shaxsni tarbiyalash va ma`naviy yuksalgan jamiyatni yaratish milliy g`oyaning asosiy vazifasi ekanligini ta`kidlaydi. Mamlakatimizda amalga oshirilayotgan islohotlarning uzluksizligi nechog`liq ahamiyatga egaligi haqida so`z yuritiladi va “barkamol inson”, “ijtimoiy hamkorlik”, “diniy tolerantlik”, “millatlararo kelishuv” tushunchalar milliy g`oyaning tarkibiy qismi ekanligini qayd etadi. O`z zamonasida O`rta Osiyolik mashhur alloma va shoir Yusuf Xos Hojib (XI asr) mamlakatda kuch - qudrat emas, balki qonun hukmronlik qilgan taqdirdagina davlat zabardast bo`lishi xususida yozgan edi. O`zbekiston Respublikasining Konstitutsiyasida birinchi navbatda shaxsiy huquq va erkinliklar, keyin esa siyosiy, iqtisodiy, ijtimoiy va madaniy huquqlar mustahkamlab qo`yilgan.

Insonning eng muhim shaxsiy huquqi - yashash huquqidir. Aynan shu bo`yicha mamlakatdagi demokratiya mavjudligi belgilanadi.

Davlat va jamiyatning asosiy burchi - ana shu huquqni qo`l ostidagi barcha vositalar bilan kafolatlashdir. Bu huquqning ro`yobga chiqarilishi davlat va jamiyat demokratik rivojlanishining muhim sharti - sog`lom yashash huquqi, normal hayot sharoiti va hokazolar bilan chambarchas bog`liq.

IV bosqich: Yangi mavzuni mustahkamlash, amaliy va mustaqil ishlar bajarish jarayoni: