Макроиқтисодий барқарорликни таъминлашда бюджет-солиқ сиёсати мундарижа

2.9-расм. Ўзбекистон Республикасида асосий капиталга киритилган инвестицияларнинг ўсиш суръати (ўтган йилга нисбатан %да)²⁵
Ўзбекистон Республикаси Давлат статистика қўмитаси маълумотлари
Солиқ имтиёзлари ЯИМнинг энг ўзгарувчан компоненти бўлган инвестициялар динамикасига ҳам ижобий таъсир кўрсатди.
Инвестиция муҳитининг яхшиланиши, жумладан солиқ ставкаларининг пасайтирилиши ва имтиёзларинингн кенгайтирилиши натижасида инвестицион фаоллик ортиб, иқтисодиётга киритилаётган инвестициялар барқарор суръатда кўпайиб борди.
Инвестицияларнинг ўсиш суръати ўтган йилга нисбатан 2000 йилда 100,9 %ни, 2003 йилда 103,8 %ни, 2004 йилда 105,2 % ни ташкил этган бўлса 2008 йилда 128,3 %ни, 2009 йилда эса 124,8 %ни, 2010 йилда 109,2 %, 2011 йилда 11,2 % ни ташкил этди.
“2017 йилда Инвестиция дастурини амалга ошириш доирасида мамлакатимизда 13 миллиард доллар қийматидаги капитал қўйилмалар ўзлаштирилди, бу 2012 йилга нисбатан 11,3 фоизга кўпдир. Ўзлаштирилган капитал қўйилмалар умумий ҳажмининг деярли ярмини, яъни 47 фоизини хусусий инвестициялар – корхоналар ва аҳолининг шахсий маблағлари ташкил этгани алоҳида эътиборга лойиқдир”²⁶.
Иқтисодиётимизга 2017 йилда 13 миллиард доллар қийматидаги капитал қўйилмалар, шу жумладан 3 миллиард доллардан ортиқ ҳажмда хорижий инвестициялар жалб қилинди.
Капитал қўйилмаларни молиялаштириш манбалари ва улардан фойдаланиш борасида ижобий сифат ўзгаришлари рўй бермоқда.
Жами инвестицияларнинг 70 фоизидан ортиғи ишлаб чиқариш қувватларини барпо этишга йўналтирилмоқда. Инвестицияларнинг қарийб 40 фоизи замонавий, юксак самарали асбоб-ускуналар харид қилишга йўналтирилгани, айниқса, муҳимдир.
Ўтган йиллар мобайнида экспорт қилувчи корхоналарни қўллаб-қувватлаш борасида амалга оширилган чора-тадбирлар иқтисодиётимизнинг экспорт салоҳиятини юксалтириш, ташқи савдо таркибида ижобий силжишларга эришиш, унинг ҳажмини барқарор ўстириш имконини бермоқда.
Таҳлилимизга хулоса қилиб айтишимиз мумкинки, мамлакатимизда амалга оширилаётган солиқ солиқ тизимини такомиллаштириш борасидаги чора тадбирлар самараси инфляция суръатларининг пасайиши, давлат бюджетининг профицит билан бажарилиши, ялпи ички маҳсулот, алоҳида тармоқларда ишлаб чиқариш ҳажмлари, иқтисодиётга киритилаётган инвестициялар ҳажмларининг барқарор ўсиб боришида намоён бўлмоқда.