Maket Akusherlik 2013. pmd

Balchiq bilan davolash (balneoterapiya)

Davolash maqsadlarida soz anorganik balchiq, chuchuk

ko‘llarning anorganik balchig‘i, torf balchig‘i juda foydali.

Balchiq muloyim moysimon massa bo‘lib, rangi qora, undan

vodorod sulfid va ammiak hidi keladi. Havoda balchiq kulrang bo‘ladi,

lekin ustiga rapa solinsa, bir necha vaqtdan keyin yana qorayib qoladi.

Torf balchig‘i o‘simlik organizmlarining kislorod tegmaydigan

sharoitda uzoq vaqt parchalanishidan vujudga keladi. Bu balchiqda

kolloid organik moddalar va mineral tuzlar ko‘p.

Qinga qo‘yiladigan balchiq tamponlar, mahalliy balchiq van-

nalar va ko‘lchalardan ginekologiyada keng foydalaniladi. Mahalliy

issiq muolajalar qaysi kasalliklarda buyurilsa, balchiq muolajalari

ham, asosan, o‘sha kasalliklarda buyuriladi, lekin balchiq muola-

jalari ayollarning kichik chanoq bo‘shlig‘idagi har xil infiltratlar va

---

364

turli-tuman yallig‘lanish jarayonlarini shimiltirib yuboradi va kuch-

liroq ta’sir ko‘rsatadi.

Balchiq tamponlar quyidagicha qo‘llaniladi: bemor ginekologik

tekshirish holatida stolga yotqiziladi va qiniga silindrik yelim ko‘zgu

kiritiladi, ko‘zgu deyarli batamom to‘lguncha unga shpatel bilan

balchiq qo‘yiladi. So‘ngra doka o‘ralgan va ið bilan bog‘langan paxta

sharcha uzun pinset yoki kornsang bilan olinib, ko‘zgudagi bal-

chiq qinga itariladi, ko‘zgu esa shu payt qindan sekin-asta tortib

olinadi. Bemor kushetkaga yotqizilib, chanoq sohasi va oyoqlari is-

siq qilib o‘rab yopiladi.

Qindagi balchiqni olish uchun bemor yana ginekologik stolga

yotqiziladi; qinga suqilgan barmoq bilan oraliq qattiq bosilib, 5—

6 stakan suv to‘ldirilgan Esmarx krujkasining uchligi kiritiladi.

Uchlik qinning orqa gumbazigacha kiritilgach, to‘la oqim holida suv

yuboriladi, ana shu suv balchiq tamponning pastrog‘ida to‘plana-

verib, tamponni qindan tiqin singari itarib chiqaradi. Qin chayib

bo‘lingach, tashqi jinsiy a’zolar yuviladi.

Kasallik darajasiga qarab davolash kursida 15 tadan 20 tagacha

tampon qo‘yiladi.