Maket Akusherlik 2013. pmd

ANATOMIK TOR CHANOQ TASNIFI

I. Torayish shakli bo‘yicha:

1. Ko‘p uchraydigan shakllari: 

a) umumiy tekis toraygan cha-

noq; b) yassi (oddiy yassi va raxitik yassi) chanoq; d) umumiy

toraygan yassi chanoq.

2. Kam uchraydigan shakllari: 

a) qiyshiq toraygan asimmetrik

chanoq; b) osteomalatsiyadan zararlangan chanoq; d) kifoskolio-

tik chanoq; e) voronkasimon chanoq; f) spondilolistetik chanoq;

g) ekzostoz va suyak o‘smalari natijasida toraygan chanoq; h)

ko‘ndalangiga toraygan chanoq.

II. Torayish darajasi bo‘yicha:

1. I.F.Jordania bo‘yicha:

a) torayishning birinchi darajasida chin konyugata 11 sm dan

kam, 9 sm dan ko‘p. Chanoq torayishining birinchi darajasida

tug‘ruq ko‘pincha o‘zicha tugaydi, ammo chin konyugata 9 sm

gacha torayganda tug‘ruq qiyinlashadi.

b) torayishning ikkinchi darajasida chin konyugata 9–7,5 sm

gacha chanoq torayishining 2-darajasida yetuk homila tabiiy tug‘ruq

yo‘llaridan o‘ta oladi, lekin tug‘ruq ko‘pincha qiyinlashib, operat-

siya qilishga to‘g‘ri keladi.

d) torayishning uchinchi darajasida chin konyugata 7,5–6 sm

gacha. Yetilgan homilaning tabiiy tug‘ruq yo‘llaridan o‘tishi mum-

kin emas. Faqat kesar-kesish operatsiyasi qilingandagina homilani

tirik olsa bo‘ladi. Homila o‘lik bo‘lsa, homilani yemirish operatsiyasi

o‘tkaziladi.

e) torayishning to‘rtinchi darajasida chin konyugata 6 sm va

undan kam. Homilani hatto yemirish operatsiyasi qilinganda ham,

tabiiy tug‘ruq yo‘llari orqali olib bo‘lmaydi. Tug‘ruqni tugallash

uchun birdan bir yo‘l – kesar-kesish operatsiyasi. To‘rtinchi daraja

toraygan chanoqni 

mutlaq tor

 chanoq deb ataladi.