Maket Akusherlik 2013. pmd

Homilaning ko‘ndalang (qiyshiq) yotishini aniqlash, 

odatda,

uncha qiyin bo‘lmaydi. Avvalo tashqaridan bachadon shaklini

aniqlash yo‘li bilan homilaning qanday yotganini bilish mumkin.

Ko‘pincha homilador ayolning qornini ko‘rish bilanoq uni

aniqlasa bo‘ladi. Bachadonni qorin devori orqali tekshirganda

uning uzunasiga cho‘zilmay ko‘ndalang joylashgan bo‘lishi juda

muhimdir. Bachadon tubi uning shu muddatdagi bo‘ylama yotish-

dagi holatidan ancha pastda bo‘ladi. Homilaning boshi va dumbasi

ona qorni yon devorlarini paypaslab ko‘rib, aniqlanadi (Leopold-

Lazarevich usuli). Homilaning yurak urishi kindik ro‘parasida,

homila boshi qaysi tomonda yotgan bo‘lsa, o‘sha tomon ya-

qinidan eshitiladi.

Qin orqali tekshirish homilaning ko‘ndalang yotganini

ko‘rsatuvchi aniq ma’lumot bermaydi. Shu sababli homilaning

noto‘g‘ri joylashganini aniqlash qiyin bo‘lganda ultratovush

usulini qo‘llashga to‘g‘ri keladi. Faqat tug‘ruq vaqtida homila

pufagi yorilgach qin orqali tekshirish homilaning ko‘ndalang

(qiyshiq) joylashganini tasdiqlaydi, shuningdek bachadon

bo‘yni orqali homila yelkasi, qovurg‘alari, o‘mrovi yoki

kuragini va umurtqalarining qirrali o‘siqlarini paypaslab topsa

bo‘ladi.