Maket Akusherlik 2013. pmd

qin orqali tekshirish 

oldinda yotgan qismning

xarakteri haqida (ayniqsa homila pufagi yirtilgach va bachadon bo‘yni

yetarlicha ochilgach) ravshan ma’lumotlar olish imkonini beradi.

Dumba oldinda yotganda yumshoqroq hajmli qism paypaslab

topiladi, unda quymich do‘mboqlari, dumg‘aza, dum suyagi, orqa

chiqaruv teshigi, homilaning jinsiy a’zolari ajratiladi. Faqat dumba

oldinda yotganda oyoqdan keyin chov bukimini paypaslab topish

mumkin. Dumba oldinda aralash yotganda uning yonida turgan

oyoq panjasi ko‘pincha paypaslab bilinadi.

Dumg‘azani paypaslab topish pozitsiya va turni oydinlashtirishga

yordam beradi (dumg‘aza qayoqqa qaragan bo‘lsa, homilaning

orqasi ham o‘sha tomonda bo‘ladi).

Tug‘ruq o‘smasi katta bo‘lsa, tajribasi kam akusher oldinda yotgan

dumbani yuz deb o‘ylab yanglishishi mumkin. Diagnozni aniqlash

uchun dum suyagi bilan dumg‘azani, chov bukimini, oyoq panjasi-

ni paypaslab topish kerak. Jinsiy a’zolar va orqa chiqaruv teshigiga

shikast yetkazmaslik uchun shu sohani juda avaylab paypaslash kerak.

Oyoqning oldinda yotganligi qin orqali tekshirishda, odatda osongina

bilinadi. Homila ko‘ndalang yotganda qo‘li chiqib qoladi, oyoqni shunda

qo‘l deb o‘ylab yanglishmaslik uchun quyidagi muhim belgilarni esda

tutmoq kerak. Oyoqda tovon suyagi bor, oyoq barmoqlari tekis, kalta,

bosh barmoq keyinda qolmaydi va uncha harakatchan bo‘lmaydi.

Qo‘lning bosh barmog‘i kaftga bemalol taqaladi, oyoq bosh

barmog‘ini esa oyoq

 

kaftiga taqab bo‘lmaydi. Tizza harakatchan yumaloq

qopqog‘i borligi bilan tirsakdan farq qiladi. Tizza qopqog‘ining turgan

joyiga qarab homila pozitsiyasini aniqlash mumkin. Tizza qopqog‘i bir-

inchi pozitsiyada chapga, ikkinchi pozitsiyada o‘ngga qaragan bo‘ladi.

Qo‘shimcha tekshirish usullaridan amnioskopiya, homila EKG

si, ultratovush yordamida skanirlab tekshirish homilaning qanday

holatda yotganligini aniqlashda yordam beradi.